LUKAS 17:24 - PEJANJIAN EMPAI CERITAU ILUAK

²⁴ Karnau luak kilat diau besinagh jak di ujung ke ujung, luak itula nanti, amun Anak Manusiau ka datang.

LUKAS 17:24 Iomraidhean Croise

MATIUS 24:27

Karnau luak cayau kilat diau besinagh jak di sebela matau-aghi idup enggut ke sebela matau-aghi padam, luak itula nanti, amun Anak Manusiau ka datang.

MATIUS 24:30

Masau itula Anak Manusiau ka kina'an di langit. Mangku gegalau bangsau di deniau ka nangis. Ughangtu ka nginak Anak Manusiau datang di aban ngan gegalau kuasauNyau ngan keagunganNyau.

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

MATIUS 26:64

Yesus nimbal, “Dighitu la ngiciakkanyau. Anyautu percayaula, mulai mbak kini kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban di langit.”

MATIUS 5:15

Nidau bediau jemau diau maghakka lampu, mangku ditukupi ngan kinjagh. Lampu itu ka dikaitka di badahau, mangku gegalau jemau di ghuma itu pacak nginak terangau.

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

1 TESALUNIKA 5:2

Karnau kamuni la keruan, bansau aghi Tuhan datang, nidau disangkau, luak jemau pemaling datang aghi malam.

2 TESALUNIKA 2:2

Jangan kamu mura bingung ngan ghegak, karnau adau ceritau aghi Tuhan la sampai, enta ceritautu asalau jak di katau rua, enta jak di ajaghan, enta jak di surat diau dikiciakka asalau jak di kami.

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

YAKUBUS 5:8

Kamu mesti ngaligh pulau ngan neguaka ati kamu, karnau Tuhan laka datang.

2 PITRUS 3:10

Anyautu aghi Tuhan datang ka sampai nidau disangkau, luak pemaling. Masau itu langit ka lengit ngan muni gurua diau besak. Setu diau adau di langit ka abis galau mutung ngan api. Deniau ngan gegalau isiau ka abis galau.