LUKAS 16:13 - PEJANJIAN EMPAI CERITAU ILUAK

¹³ Nidau sughang kia pacak bekerjau ngan duau jemau, karnau diau ka sayang ngan diau sughang ngan luat ngan diau lain. Diau ka setia ngan diau sughang ngan melalaika kerjau diau lain. Luak itu pulau ngan kamu. Kamu nidau pacak bekerjau batan endak Allah, batan endak retau bendau pulau.”

LUKAS 16:13 Iomraidhean Croise

MATIUS 4:10

Mangku Yesus nimbal, “Kisitla kaba, Iblis! Di Injil ditulis, ‘Kaba mesti nyemba Tuhan, Allah kaba. Diau ajaula mesti kaba semba.’ ”

MATIUS 6:24

Nidau sughang kia pacak njadi anak-bua duau jemau, karnau amun luak itu, diau ka sayang ngan diau sughang diau sughang agi nidau. Diau ka setia ngan diau sughang ngan diau sughang agi nidau. Kamu nidau pacak bekerjau batan endak Allah ngan batan endak retau bendau pulau.”

LUKAS 11:23

Jemau diau nidau mihak ngan Aku melawan Aku, mangku jemau diau nidau nunggalka ngan Aku nceghai-beghaika.”

LUKAS 14:26

“Jemau diau datang njenguak Aku endak njadi anak-buaKu, jemautu mesti nyayangi Aku lebia jak di ba'au, ma'au, buntingau, anak-ana'au, ading-beghadingau, lagi lebia jak di nyawaunyau sendighi. Amun nidau, diau endiak pacak njadi anak-buaKu.

LUKAS 16:12

Amun kamu nidau pacak dipercayaui ngan retau jemau lain, sapau ka nyeraka hak kamutu ngan kamu?

LUKAS 16:9

Dengaghkala katauKu ini: Pakaila kekayauan deniauni, mangku bulia kantin, mangku amun tancitu nidau begati agi, kamu diterimau di bada jemau mendam selelamaunyau.

LUKAS 9:50

Mangku katau Yesus, “Jangan kamu negahi diau, karnau jemau diau nidau melawan kamu, diaula kawan kamu.”

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.