LUKAS 14:13 - PEJANJIAN EMPAI CERITAU ILUAK

¹³ Amun dighi endak njamu, aja'ila jemau serik, jemau cacat, jemau lumpua ngan jemau butau.

LUKAS 14:13 Iomraidhean Croise

MATIUS 15:30

Banyak nianan jemau datang bererumbungan njenguak Diau mbatak jemau lumpua, jemau cingkung ngan kincut, jemau butau, jemau bisu ngan banyak diau buidapan lain, ditepiakkanyau guak keting Yesus, mangku dighaduiNyau gegalau ughangtu.

MATIUS 22:10

Mangku anak-buahautu pegi. Ughangtu pegi ke jalan besak mangku nunggalka gegalau jemau diau betemu ngan ughangtu, empuak iluak empuak ja'at. Mangku bada njamutu penua ngan menda.

LUKAS 11:41

Anyautu enjuakkala isiau ngan jemau serik, mangku gegalaunyau ka beresia batan endak kapu dighi.

LUKAS 14:12

Mangku Yesus ngiciak ngan jemau diau ngaja'iNyau tadi, katauNyau, “Amun dighi endak njamu, jangan ngajak kantin dighi, ading-beghading dighi, denga-sanak dighi, jemau sedusun diau kayau, karnau ughangtu ka ngaja'i dighi pulau. Ngan carau luak itu dighi ka nerimau balasan.

LUKAS 14:14

Dighi ka riang, karnau ughangtu nidau ka bediau batan pembalasau keilu'an dighi. Keilu'an dighi ka dibalas Allah, masau jemau diau benagh diidupka jak di mati.”

LUKAS 14:21

Mangku anak-bua tadi baliak ngiciakka gegalaunyau ngan tuanau. Tuan itu mara nian, mangku bekatau ngan anak-buahau, ‘Pegila gegasip ke bilang jalan ngan penyimpangan, bata'ila ke sini jemau serik, jemau cacat, jemau butau, jemau lumpua.’

RASUL 9:39

Pitrus bedandan mangku pegi serempak ngan ughang duautu. La sampai di situ, diau dibata'i ke biliak bada mayat tadi. Gegalau randau di situ ngelilingi diau sampai nangis, diancakka ngan diau baju-baju diau dijayit Durkas tadi, masau gi idup.

1 TIMUTIUS 3:2

Karnau itu pengulu jemau Keristen mesti jemau diau nidau bediau salahau. Buntingau cuman sughang. Diau mesti nguasaui diriau, bepengertian, ngelapan, galak nerimau jemau di ghumahau, pacak ngajagh jemau.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

TITUS 1:8

Anyautu diau mesti riang nerimau jemau di ghumahau, galak ngan setu diau iluak, bepengertian, jujur, beresia ngan pacak nguasaui diri.

PILEMUN 1:7

Sayang kaba meriangka ngan neguaka aku. Kaba la meriangka gegalau umat Allah.

IBRANI 13:2

Terimaula di ghuma kamu jemau diau lum kecinauan ngan kamu, karnau ngan kerjau luak itu adau jemau nidau keruan la njamu malaikat.