LUKAS 13:32 - PEJANJIAN EMPAI CERITAU ILUAK

³² Yesus nimbal, “Pegila, kiciakka ngan jemau calak itu, ‘Aku ngisitka iblis ngan meghadui jemau buidapan mbak kini ngan pagi. Mangku lusau Aku ka ngudimi kerjauKu.’

LUKAS 13:32 Iomraidhean Croise

MARKUS 6:14

Rajau Herudis pulau ndengagh ceritau Yesus, karnau namauNyau la dikeruani gegalau jemau. Mangku adau diau bekatau, “Yuhanis Pembaptis la idup agi. Itula sebapau Diau adau kuasau ngerjauka gegalaunyautu.”

YUHANIS 10:32

Yesus ngiciak ngan ughangtu, katauNyau, “La banyak kerjau iluak jak di BapakKu diau Kukinakka ngan kapu dighi, mangku karnau perembak manau kapu dighi endak nyipati Aku?”

YUHANIS 19:30

La udim Yesus ngisap ayiak anggur itu, Diau bekatau, “La udim!” Mangku Diau ngelintuakka pala'Au ngan nyeraka nyawauNyau.

IBRANI 2:10

Allah itu njadika gegalaunyau batan endak diriAu. Sepantasau Diau njadika Yesus sempernau ngan carau Diau sengsarau, mangku dibata'Au banyak jemau endak diagungka. Diautu pulau mbukak jalan mangku ughangtu selamat.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

IBRANI 7:28

Ukum Taurattu senitu netapka jemau diau adau banyak kekilapan njadi imam besak. La udim itu Allah bejanji ngan sumpa, bansau Diau netapka Ana'Au njadi Imam Besak diau sempernau selelamaunyau.