LUKAS 12:4 - PEJANJIAN EMPAI CERITAU ILUAK

⁴ “Ingatkala, ui anak-buaKu, jangan kamu penakut ngan jemau diau cuman pacak mbunua badan. Udim itu nidau pacak ngapau-ngapaukanyau agi.

LUKAS 12:4 Iomraidhean Croise

MATIUS 10:28

Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

YUHANIS 15:13

Jemau diau sayang nianan ngan kantinau, jemau itu nyeraka nyawaunyau batan endak kantinau.

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

RASUL 4:13

Jemau diau ngikut sidangtu kemangan nginak Pitrus ngan Yuhanis ngiciak ngan beghani nian, apau agi ughangtu keruan ughang duautu jemau biasau, nidau sekul, mangku ughangtu keruan, bansau ughang duautu kantin Yesus senitu.

PILIPI 1:28

Kamu mesti maju beghani, jangan takut ngan lawan kamu. Ngan carau luak itu kamu ka njadi tandau ngan ughangtu, bansau ughangtu ka kala. Kamutu ka menang, karnau Allah ngenjuakka kemenangan ngan kamu.

YAKUBUS 2:23

Luak itu ditepati katau Injil ini, “Abraham percayau ngan Allah, mangku diau diterimau njadi jemau benagh.” Itula sebapau Abraham dikiciakka “kantin Allah”.

1 PITRUS 3:14

Anyautu amun nyela kamu sengsarau karnau ngerjauka setu diau iluak, riangla kamu. Jangan kamu takut ngan sapau kila, jangan ghegak.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.