LUKAS 12:32 - PEJANJIAN EMPAI CERITAU ILUAK

³² “Nidau nanti penakut, ui kamu diau dikit jemaunyau, karnau Bapak kamu riang njadika kamu rajau luak Diau.

LUKAS 12:32 Iomraidhean Croise

MATIUS 14:27

Anyautu Yesus ngiciak, katauNyau, “Tenangla ajau. Nidau nanti takut, ini Aku.”

MATIUS 20:16

Mangku Yesus bekatau agi, “Luak itula pulau jemau diau mendian ka njadi dulu, jemau diau dulu ka njadi mendian.”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 7:15

“Sepepadaula ngan cak nabi. Ughangtu datang di guak kamu luak bebiri, anyautu sebenaghau ughangtu luak setuau diau ganas.

LUKAS 10:21

Masau itu pulau Yesus injiak nianan, karnau dikuasaui Rua Allah sampai bekatau, “Bak, Aku ngagungka Dighi, Tuhan langit ngan deniau, karnau gegalaunyautu Dighi resiauka ngan jemau pintar ngan jemau beilmu. Anyautu Dighi nyataukanyau ngan jemau biasau. Itula diau melemakka ati Dighi.

YUHANIS 18:36

Katau Yesus, “KekuasauanKu ukan jak di deniau ini. Misalau kekuasauanKu jak di deniauni, cetau anak-buaKu ka beusaha, supayau Aku jangan diseraka ngan pengulu jemau Yahudi. Tapitu kekuasauanKu ukan jak di deniau ini.”

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 20:29

Aku keruan, amun aku la pegi, setuau diau ganas ka datang guak kapu dighi, mangku jemau diau kapu dighi jagauitu ka njadi makanan setuautu.

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

PILIPI 2:13

Allahtu maju bekerjau dalam ati kamu, mangku kamu sukau ngan pacak ngerjauka kenda'Au.

2 TESALUNIKA 1:11

Itula sebapau kami maju du'aka kamu, supayau Allah njadika kamu pantas idup nuruti kenda'Au, karnau batan endak itula kamu dipilia. Kami bedu'a, supayau Allah ngan kuasauNyau nulung kamu endak ngerjauka setu diau iluak diau endak kamu kerjauka, karnau percayau ngan Keristus.

2 TESALUNIKA 1:5

Gegalaunyautu nyatauka Allah ngakimi ngan adil. Kamu sengsarau mbak kini, karnau Allah njadi rajau kamu, mangku kamu sepantasau njadi umatAu.

IBRANI 12:28

Itula sebapau kitau mesti beterimau-kasia ngan Allah, karnau kitau la nerimau bada di manau Allah merinta diau nidau pacak diambiak jak di kitau. Kitau mesti meregaui ngan nyemba Allah ngan takut ngan carau diau dikenda'iNyau diau melemakka atiAu.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

PENGINA'AN 1:6

mangku njadika kitau sebangsau, njadi imam diau bekerjau batan endak Allah, Bapa'Au. Yesus Keristustu agung ngan bekuasau selelamaunyau. Amin.

PENGINA'AN 22:5

Malam nidau ka bediau agi di situ, mangku ughangtu nidau ka merluka terang lampu ngan terang matau-aghi, karnau Tuhan Allah ka nerangi ughangtu. Mangku ughangtu ka merinta luak rajau enggut selelamaunyau.