LUKAS 11:39 - PEJANJIAN EMPAI CERITAU ILUAK

³⁹ Karnau itu Yesus ngiciak ngan diau, katauNyau, “Nyela, kapu dighi jemau Parisi biasaunyau mbasua mangkuak ngan piring di luagh ajau, anyautu dalam ati kapu dighi penua kesela'an ngan keja'atan.

LUKAS 11:39 Iomraidhean Croise

MATIUS 15:19

Karnau jak di ati nimbul gegalau rupu'an ja'at, diau mbuat jemau mbunua, menaugawia ngan kerjau ja'at diau lain, maling, ngiciakka setu mbu'ung ngan nggelakka jemau.

MATIUS 7:15

“Sepepadaula ngan cak nabi. Ughangtu datang di guak kamu luak bebiri, anyautu sebenaghau ughangtu luak setuau diau ganas.

LUKAS 16:15

Mangku Yesus bekatau ngan ughangtu, “Kapu dighini jemau diau endak kina'an benagh di mukau jemau, anyautu Allah keruan isi ati kapu dighi. Karnau setu diau dianggap manusiau iluak diluatka Allah.

LUKAS 7:13

Satu Tuhan nginak randau itu, Diau sial ngina'au, mangku Diau bekiciak, katauNyau, “Jangan Dighi nangis agi.”

LUKAS 7:19

mangku diau ngajung duau ughang jak di anak-buahau njenguak Tuhan ngan betanyau, “Apu Dighi jemau diau ka datangtu? Apu kami mesti nantika jemau lain?”

YUHANIS 12:6

Yudas ngiciak luak itu, ukan karnau diau nyanauka jemau serik, anyautu karnau diau pemaling ngan maju ngambiak tanci ughangtu diau diimpaninyau.

YUHANIS 13:2

Yesus ngan anak-buaHau dang makan malam. Iblis la mbisi'i Yudas Iskariut, anak Simun, supayau diau njualka Yesus.

RASUL 5:3

Mangku Pitrus ngiciak ngan diau, kataunyau, “Ananias, ngapau kaba enangka iblis nguasaui ati kaba? Ngapau kaba mbu'ungi Rua Allah ngan mbunika separau tanci regau tanatu?

GALATIA 1:14

Aku lebia ta'at jak di banyak jemau Yahudi diau sebayau njalanka agamauku. Aku rajin nian ngikuti adat lembagau niniak puyang kami.

2 TIMUTIUS 3:5

Ughangtu nuruti kewajiban agamau, anyautu nidau endak keruan kuasaunyau. Jawuhila jemau luak itu.

TITUS 1:15

Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.