LUKAS 10:20 - PEJANJIAN EMPAI CERITAU ILUAK

²⁰ Empuak luak itu, jangan kamu keinji'an, karnau iblis tunduak ngan kamu. Iluakla kamu injiak, karnau namau kamu la tecatat di sergau.”

LUKAS 10:20 Iomraidhean Croise

MATIUS 10:1

Yesus milia duau belas anak-buaHau, dienjuakkaNyau kuasau endak melaratka iblis ngan meghaduka gegalau idapan ngan gegalau cacat.

MATIUS 26:24

Nyela, Anak Manusiau ka mati nendiau, luak la ditulis dalam Injil. Anyautu celakaula jemau diau njualka Anak Manusiautu. Iluakla diau nidau dilahirka.”

MATIUS 27:5

Yudas ncapakka tancitu dalam Ghuma Allah, mangku pegi bekujut.

PILIPI 4:3

Ngan kaba Sunsugus, kantinku diau pacak dipercayaui, aku mintak, supayau kaba nulung ughang duautu. Ughang duautu la sesamau bekerjau ngan aku endak ngiciakka ceritau iluak jak di Allah luak Kelimines ngan gegalau jemau lainau diau bekerjau ngan aku. Namau ughangtu la adau di buku jemau idup.

IBRANI 12:23

Kamu ngikut tunggalan diau riang nian, tunggalan anak-anak tuau diau namaunyau la ditulis di sergau. Kamu betunggal ngan jemau senitu diau la disempernauka. Kamu ngadap Allah, akim gegalau manusiau.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.

PENGINA'AN 20:12

Mangku aku nginak jemau mati, besak-keciak, betegak di adapan kerusi rajautu. Gegalau kitab dibukak, dibukak pulau sebua kitab lain, diautu kitab jemau idup. Mangku gegalau jemau diadili nurut perembak sesughangan, luak ditulis dalam kitab-kitabtu.

PENGINA'AN 20:15

Mangku bilang jemau diau nidau ditulis namaunyau dalam kitab jemau iduptu dicapakka ke dalam laut apitu.

PENGINA'AN 21:27

Anyautu jemau diau ngerjauka setu diau meghegingka ngan penipu ngan tuapau kila diau najis nidau ka masuak ke dalamau. Diau masuak cuman jemau diau namaunyau ditulis dalam kitab jemau idup diau adau di Anak Bebiritu.

PENGINA'AN 3:5

Jemau diau menang ka dienjuakka baju putia luak jemau itu tadi. Namaunyau nidau ka Kukusam jak di kitab jemau diau ka dienjuakka idup. Aku ka ngaku'i namaunyau di adapan BapakKu ngan di adapan malaikatAu.