LUKAS 1:32 - PEJANJIAN EMPAI CERITAU ILUAK

³² Diau ka njadi jemau besak, mangku Diau ka dikiciakka Anak Allah diau Mahatinggi. Tuhan Allah ka njadika Diau rajau luak rajau Daud, niniak puyangAu.

LUKAS 1:32 Iomraidhean Croise

MATIUS 1:1

Inila namau-namau niniak puyang Yesus Keristus, pengadau Daud, pengadau Abraham.

MATIUS 12:42

Aghi kiamat ratu jak di selatan ka diidupka serempak ngan jemau mbak kini, mangku diau ka mburuakka ughangtu, karnau ratu itu datang jak di ujung deniau endak ndengagh ajaghan Salumu diau bepengertian. Ngenian, diau adau di sini lebia besak jak di Salumutu.”

MATIUS 28:18

Yesus masighi ughangtu ngan bekatau, “Gegalau kuasau di sergau ngan di deniau la diseraka ngan Aku.

MATIUS 3:11

Aku mbaptis kamu ngan ayiak, tandau la betubat. Nanti ka datang Jemau diau lebia bekuasau jak di aku. Melegha'i tali sepatuAu ajau aku endiak pantas. Diau ka mbaptis kamu ngan Rua Allah ngan api.

MARKUS 14:61

Anyautu Yesus diam ajau nidau ngiciak tuapau-apau. Mangku Imam Besak betanyau agi ngan Diau, “Apu Kaba Mesias, Rajau Penyelamat, Anak Allah diau suci?”

MARKUS 5:7

mangku tegauk ngan suarau bias, “Ka Dighi apauka akuni, ui Yesus, Anak Allah diau Mahaagung? Demi Allah aku mintak, jangan Dighi nyaraui aku.”

LUKAS 1:15

Diau ka njadi jemau besak di adapan Tuhan. Diau nidau ka minum ayiak anggur ngan minuman diau mabuakka. Jak diau adau diau dikuasaui Rua Allah.

LUKAS 1:35

Malaikattu nimbal, “Rua Allah ka datang ke kaba, mangku kuasau Allah diau Mahatinggi ka menui kaba. Itula sebapau Anak diau ka kaba lahirkatu ka dikiciakka suci, Anak Allah.

LUKAS 1:76

Mangku kaba, ui anakku, kaba ka dikiciakka nabi Allah diau Mahatinggi, karnau kaba ka bejalan diduluka Tuhan endak nyediauka jalan batan endak Diau.

LUKAS 3:16

Mangku Yuhanis bekiciak ngan ughangtu, kataunyau, “Aku mbaptis kamu ngan ayiak. Nanti ka datang Jemau diau lebia bekuasau jak di aku. Melegha'i tali sepatuAu aku nidau pantas. Jemautu ka mbaptis kamu ngan Rua Allah ngan api.

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

YUHANIS 12:34

Jemau banyak itu ngiciak ngan Diau, kataunyau, “Kami la keruan jak di ukum Taurat, bansau Mesias, Rajau Penyelamattu, ka idup selelamaunyau. Luak manau Kaba pacak ngiciak, Anak Manusiau mesti dinayiakka. Sapau Anak Manusiau itu?”

YUHANIS 6:69

Kami la percayau ngan la keruan, Dighitula ajungan Allah diau suci.”

RASUL 16:17

Tinautu ngikut Paulus ngan kami sampai ngiciak ngan suarau bias, kataunyau, “Ughang ini budak Allah diau Mahabesak. Ughangni ngiciakka ngan kapu dighi, luak manau caraunyau kapu dighi pacak selamat.”

RASUL 2:30

Daudtu sughang nabi, mangku keruan, Allah la bejanji ngan besumpa, mbak bansau sughang jak di pengadau Daud ka dijadika Allah rajau luak diau.

RASUL 2:36

Mangku gegalau jemau Israil mesti keruan nian, Yesus diau kapu dighi salipkatu dijadika Allah Tuhan ngan Rajau Penyelamat.”

RASUL 7:48

Anyautu Allah diau Mahabesak nidau mendam dalam ghuma diau dibuat manusiau, luak ditulis dalam kitab nabi,

PENGINA'AN 3:7

“Ngan malaikat jemau Keristen di Piladelpia tuliskala luak ini: ‘Inila katau Aku, Aku suci ngan benagh. Aku adau kunci Daud. Amun Aku mbukak, nidau bediau sughang kiala diau pacak ngatupkanyau. Mangku amun Aku ngatupka, nidau bediau sughang kiala diau pacak mbuka'au.