KULUSI 3:5 - PEJANJIAN EMPAI CERITAU ILUAK

⁵ Karnau itu, mandakkala serilau deniau diau adau dalam diri kamu, diautu menaugawia, setu diau nidau senangaian, gegalau serilau diau ja'at ngan selak. Gegalaunyautu semegi ngan nyemba diwau,

KULUSI 3:5 Iomraidhean Croise

MATIUS 15:19

Karnau jak di ati nimbul gegalau rupu'an ja'at, diau mbuat jemau mbunua, menaugawia ngan kerjau ja'at diau lain, maling, ngiciakka setu mbu'ung ngan nggelakka jemau.

RUM 1:26

Itula sebapau Allah ngenangka ughangtu nuruti serilau diau maluka. Jemau tinau nidau ibau agi ngan jemau lanang, anyautu sangi ibauka setinauan.

RUM 1:29

Ati ughangtu penua ngan gegalaunyau diau nidau benagh, diau ja'at, selak, busuak, sengit, endak mbunua, belagau, nipu, ndendam,

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

RUM 6:6

Kitau keruan, bansau carau idup kitau diau lamau la mati serempak ngan Keristus di kayu salip, supayau serilau kitau diau melawan Allah nidau bekuasau agi, mangku kitau nidau agi dikuasaui dusau.

RUM 7:23

Anyautu aku meghasau di aku adau pulau carau lain diau belawanan ngan carau diau disetujui rupu'anku. Carau itu diau nguasaui diriku, mangku aku tunduak ngan dusau diau mendam di atiku.

RUM 7:5

Senitu kitau idup nurut carau manusiau. Masau itu serilau bedusau nguasaui kitau. Serilautu nimbul karnau ukum Taurat, mangku kitau ngerjauka setu diau nyebapka kitau mati.

RUM 8:13

Amun kamu idup nurut serilau manusiau, kamu ka mati. Anyautu amun ngan kuasau Rua kamu la matika perembak diau bedusau, kamu ka idup.

1 KURINTUS 5:1

Jemau la ngiciakka, bansau adau jak di guak kamu diau menaugawia. Jemau diau nidau keruan Allah ajau nidau ngerjauka kerjau ja'at luak itu. Adau jemau lanang diau seghundak ngan enduak tighiau.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

1 KURINTUS 6:13

Makanan batan endak busung, busung bada makanan. Empuak busung empuak makanan, gegalaunyau ka diabiska Allah. Anyautu badan ukan batan endak ngerjauka kerjau ja'at, tapitu batan endak ngerjauka kerjau Tuhan mangku Tuhan ka nyayiau.

1 KURINTUS 6:18

Jawuhila kerjau diau ja'attu! Gegalau dusau lain diau dikerjauka jemau di luagh badan. Anyautu jemau diau ngerjauka kerjau ja'at ndusaui badanau sendighi.

2 KURINTUS 12:21

Aku ghegak, amun aku datang nanti, Allah ka mbuat aku maluan karnau kamu. Mangku aku ka nangis, karnau banyak jak di kamu diau bedusau senitu lum ngubai jak di kerjaunyau diau kumua, menaugawia ngan nidau senangaiantu.

GALATIA 5:24

Jemau diau la njadi hak Yesus Keristus, jemautu nidau agi nuruti kendak manusiau ngan gegalau serilaunyau.

IPISUS 4:19

Ughangtu nidau meghasau maluan agi, mangku ughangtu nuruti gegalau serilau ngan idup kumua sekendak atiau.

KULUSI 2:11

Karnau seghundak ngan Keristus kamu la disunat, ukan ngan sunat diau dibuat manusiau, tapitu ngan sunat diau dibuat Keristus. Sunattu mbibaska kamu jak di kuasau serilau diau bedusau.

1 TESALUNIKA 4:3

Inila kendak Allah, supayau kamu idup beresia. Jangan kamu menaugawia.

1 TESALUNIKA 4:5

Jangan ngikut serilau ajau, luak diau dikerjauka jemau diau nidau keruan Allah.

1 TIMUTIUS 6:10

karnau tetancian nimbulka serbau diau ja'at. Adau jemau diau nidau agi percayau karnau tanci, mangku banyak meghasauka sengsarau mangku nanggung nian.

IBRANI 12:16

Jangan adau diau menaugawia. Jangan adau diau nidau meregaui Allah luak Isau. Diautu anak tuau. Mangku diau njual ha'autu karnau cuman makanan sepiring ajau.

IBRANI 13:4

Gegalau kamu mesti meregaui pekawinan. Laki bini mesti sangi sayangi. Jemau nakal ngan jemau diau menaugawia ka diukum Allah.

IBRANI 13:5

Jangan kamu tetancian, tapitu cukupkala ngan setu diau adau di kamu, karnau Allah la bekiciak, “Aku nidau ka ngenangka ngan ninggalka kaba.”

YAKUBUS 4:1

Jak di manau asalau gegalau belagau ngan bebala? Apu ukan asalau jak di serilau kamu diau maju bekerjau di kamu?

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.