KULUSI 3:16 - PEJANJIAN EMPAI CERITAU ILUAK

¹⁶ Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

KULUSI 3:16 Iomraidhean Croise

MATIUS 26:30

Udim itu ughangtu benyanyi ngagungka Allah, mangku pegi ke Bukit Saitun.

LUKAS 2:51

La udim itu Diau baliak ke Nasarit serempak ngan enduak-bapa'Au. Diau maju na'ati perinta ughangtu. Gegalaunyautu disimpan dalam ati endu'Au.

YUHANIS 15:7

Amun kamu maju mendam di Aku ngan kici'anKu maju di ati kamu, pintakla tuapau kila kamu endak, mangku kamu ka dienju'i.

RUM 10:17

Jadi, jemau percayau karnau ndengagh, mangku jemau ndengagh karnau adau diau ngiciakka ceritau Keristustu.

RUM 15:14

Kantin-kantinku, aku keruan, bansau kamutu iluak. Kamutu pulau la keruan gegalaunyau, mangku pacak sangi ajaghi.

1 KURINTUS 14:15

Mangku tuapau diau mesti kukerjauka? Ini diau kukerjauka: Aku endak bedu'a ngan ruaku, tapitu aku pulau endak bedu'a ngan rupu'anku. Aku endak benyanyi ngan muji ngan ruaku, tapitu aku pulau endak benyanyi ngan muji ngan rupu'anku.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

IPISUS 1:17

Aku mintak, supayau Allah Tuhan kitau Yesus Keristus, Bapak diau agungtu, ngenjuakka RuaHau ngan kamu, mangku Ruatu ka ngenjuakka ngan kamu pengertian ngan nyatauka Allah diau benagh ngan kamu, mangku kamu ka keruan Diau.

IPISUS 5:17

Jangan kamu bigal, anyautu beusahala ngeruani kendak Tuhan.

IPISUS 5:19

Amun ngiciak ngan kantin, kiciakkala katau masmur, pujian ngan nyanyian ruhani. Nyanyila ngagungka Tuhan ngan ati riang.

IPISUS 5:26

Diau ngerjauka titu endak mberesiaka ughangtu ngan ajaghanNyau ngan ayiak baptisan, mangku pacak diseraka ngan Allah.

KULUSI 1:28

Diau itula kami kiciakka ngan bilang jemau, amun kami ngingatka ngan ngajagh ughangtu ngan pengertian, mangku bilang jemau njadi sempernau karnau seghundak ngan Keristus.

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

KULUSI 4:6

Kici'an kamu mesti tepat ngan melemakka ati. Kamu mesti keruan, luak manau semestiau nimbali jemau.

1 TESALUNIKA 1:8

Jak di kamu ceritau Tuhan la tesiar sampai ke gegalau Makedunia ngan Akaya. Ukan itu ajau, tapitu ceritau kamu percayau ngan Allah la keruan di memanau, mangku kami nidau nanti ngiciakka tuapau-apau agi.

1 TESALUNIKA 4:18

Karnau itu sangi teguakala ati kamu ngan kici'an ini.

2 TESALUNIKA 3:15

Anyautu jangan nganggap diau musua, tapitu tegughila diau luak adiak-sanak.

1 TIMUTIUS 6:17

Ingatkala jemau kayau di deniau ini, supayau jangan geduak ngan jangan ngandalka retau bendau diau nidau ka lamau. Ughangtu mesti ngaghapka Allah diau ngenjuakka gegalaunyau banyak kematila, supayau kitau riang nggunaukanyau.

2 TIMUTIUS 3:15

Ingatkala, bansau jak di keciak kaba la keruan Injil. Injiltu pacak ngenjuakka ngan kaba pengertian endak ngajaghka jalan selamat, amun percayau ngan Yesus Keristus.

TITUS 3:6

diau la dienjuakkaNyau galau ngan kitau karnau Yesus Keristus, Rajau Penyelamattu.

YAKUBUS 1:5

Amun adau jemau jak di kamu diau kurang bepengertian, jemautu mesti mintak ngan Allah, mangku Allah ka ngenjuakka pengertian ngan diau, karnau ngan bilang jemau Allah ngenjuak ngan riang, nidau ngungkit.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

YAKUBUS 5:13

Amun adau jak di kamu diau sengsarau, diau mesti bedu'a. Amun adau diau riang, diau mesti benyanyi ngagungka Allah.

1 YUHANIS 2:14

Aku nulis ngan kamu, anak-buaku, karnau kamu keruan Bapak. Aku nulis ngan kapu dighi, tuau-tuau, karnau kapu dighi keruan Diau la adau jak di penembai. Aku nulis ngan kamu, memudau, karnau kamu tegua, katau Allah adau di ati kamu ngan kamu la ngalaka diau ja'at itu.

1 YUHANIS 2:24

Mangku kamutu, ceritau diau la kamu dengagh jak di senitu mesti kamu jagaui iluak-iluak dalam ati. Amun katau diau la kamu dengagh jak di senitu maju di kamu, mangku kamu maju seghundak ngan Anak ngan Allah Bapak pulau.

1 YUHANIS 2:27

Mangku kamu la nerimau Rua Allah diau dienjuakka ngan kamu. Karnau itu nidau nanti kamu diajaghi jemau lain, karnau Ruatu ngajaghka gegalaunyau ngan kamu. Setu diau diajaghkatu benagh ukan mbu'ung. Mangku kamu mesti ta'at ngan setu diau diajaghkaNyautu. Luak itula kamu maju seghundak ngan Keristus.

2 YUHANIS 1:2

karnau Allah diau benagh adau dalam ati kitau mangku ka maju adau ngan kitau selelamaunyau.

PENGINA'AN 14:3

Ughangtu dang nyanyika nyanyian empai di adapan kerusi rajau ngan empat benatang ngan tuau-tuau. Mangku nidau bediau jemau diau pacak belajagh nyanyiantu lain jak di seratus empat pulua empat ribu jemau diau la ditebus jak di deniautu.

PENGINA'AN 15:3

Ughangtu benyanyi nyanyika nyanyian Musa, budak Allahtu, ngan nyanyian Anak Bebiri. Muniau luak ini, “Tuhan, Allah diau Mahakuasau. Gegalau kerjau Dighi besak nianan ngan nyelia. Dighitu Rajau gegalau bangsau. Carau Dighi adil ngan benagh galau.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.