KULUSI 3:10 - PEJANJIAN EMPAI CERITAU ILUAK

¹⁰ Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

KULUSI 3:10 Iomraidhean Croise

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

RUM 13:12

Malam laka lalu. Aghi laka siang. Karnau itu mela kitau mandakka kerjau ja'at diau dikerjauka di keleman. Kitau mesti ngenauka pakaian terang.

RUM 13:14

Enangka Tuhan Yesus Keristus njagaui kamu. Jangan nuruti serilau manusiau diau bedusau, jangan muaskanyau.

RUM 6:4

Masau kitau dibaptiskatu, kitau mati ngan Diau, mangku kitau pulau dikuburka ngan Diau. Mangku Keristus diidupka agi jak di mati, karnau kuasau Bapak diau agung. Luak itu pulau kitau pacak njalani idup diau empai.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 4:16

Itula sebapau kami nidau tekedan. Empuak badan kami tamba guyuk, ati kami maju diteguaka.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

GALATIA 3:27

Gegalau kamu la dibaptis dalam namau Keristus, mangku kamu la nerimau sipat Keristus.

GALATIA 6:15

Apu disunat apu nidau besunat nidau penting. Diau penting itu njadi manusiau empai.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 2:15

Mangku ukum Taurat ngan gegalau perintahau diabiska Keristus, mangku duau bangsau itu njadi manusiau empai karnau seghundak ngan Keristus. Ngan carau luak itu Diau ndamaika ughangtu.

KULUSI 3:12

Kamutu la njadi umat Allah. Kamu la dipilia njadi ha'Au ngan disayangiNyau. Karnau itu kamu mesti sial, iluak, ngaligh, ngensian, jangan geduak, jangan kejam.

KULUSI 3:14

Mangku diau penting sekali, kamu mesti sangi sayangi, karnau ngan sayang kamu disatuka nian.

PILEMUN 1:6

Kitau la disatuka karnau percayau ngan Keristus. Mangku aku bedu'a, supayau kaba tamba ngerti keilu'an diau dienjuakka ngan kitau karnau seghundak ngan Keristus.

IBRANI 6:6

Mangku amun jemautu ngelipat, nidau ka adau diilu'i agi mangku ngubai jak di peremba'au, karnau diautu luluak makuka agi Anak Allah di kayu salip ngan mbuat Diau digelakka di mukau jemau banyak.

1 YUHANIS 2:3

Tandau kitau ngeruani Allah, kitau na'ati perintaHau.

1 YUHANIS 2:5

Jemau diau na'ati katau Allah nyayangi Allah nian. Itula tandaunyau kitau idup seghundak ngan Diau.

PENGINA'AN 21:5

Allah duduak di kerusi rajautu ngan bekatau, “Kina'ila, Aku njadika gegalaunyau empai!” KatauNyau, “Tuliskala ini, karnau gegalau kici'anni benagh ngan pacak dipercayaui.”