KULUSI 1:6 - PEJANJIAN EMPAI CERITAU ILUAK

⁶ Ceritau iluak jak di Allahtu la tesiar di gegalau deniau, mangku ngenjuakka setu diau iluak ngan jemau. Luak itu pulau kamu, jak kamu empai ndengagh ceritautu senitu ngan nerimau keilu'an Allah ngenian.

KULUSI 1:6 Iomraidhean Croise

MATIUS 24:14

Mangku ceritau iluak ceritau Allah endak merinta ka dikiciakka di gegalau deniau, mangku gegalau jemau ka ndengaghau. Udim itu kiamat.”

MATIUS 28:19

Karnau itu, pegila ke gegalau bangsau di deniau, jadikala ughangtu anak-buaKu, baptiskala ughangtu ngan namau Bapak, Anak ngan Rua Allah,

MARKUS 16:15

Mangku Diau bekatau ngan ughangtu, “Pegila ke gegalau deniau, kiciakkala ceritau iluak ngan gegalau isi deniau.

MARKUS 4:8

Mangku separau tumban di tana diau iluak. Beniatu mekul, njadi besak mangku bebua. Asilau setangkai adau diau tigau pulua mughak, adau diau enam pulua, adau pulau diau seratus mughak.”

YUHANIS 15:16

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 17:19

Bak, batan endak ughangtu Aku nyeraka diriKu ngan Dighi, supayau ughangtu pulau nyeraka diriau nian batan endak Dighi.

YUHANIS 4:23

Masaunyau ka sampai, mangku la sampai mbak kini, jemau ka nyemba Bapak ngan kuasau Rua Allah luak Diau nyatauka diriAu. karnau Bapak endak disemba luak itu.

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 12:24

Mangku katau Allah tamba tesiar ngan tamba banyak jemau percayau.

RASUL 16:14

Adau sughang jak di tinautu, namaunyau Lidia, asalau jak di Tiatira. Diautu tukang dagang kain ungu diau besak regaunyau. Diautu nyemba Allah. Tuhan mbukakka atiau, mangku diau nerimau kici'an Paulus,

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RUM 1:13

Kantin-kantinku, aku endak, supayau kamu keruan, bansau la rajin aku endak nian berayak ngan kamu, anyautu maju adau alangan. Aku endak, supayau di guak kamutu pulau kerjauku buasil, luak kerjauku buasil di guak jemau bangsau lain.

RUM 15:19

ngan kuasau ngan tandau nyelia. Gegalaunyautu karnau kuasau Rua Allah. Luak itula kerjauku di manau-manau, mulai jak di Yerusalim enggut Ilirikum aku ngiciakka gegalau ceritau iluak nceritauka Keristus.

RUM 15:28

Amun kerjaukuni la udim, la kuseraka tanci diau la ditunggalka ughangtu, aku ka bejalan ke Sepanyul, mangku lalu di guak kamu.

RUM 16:26

Anyautu mbak kini rencanau itu la dinyatauka karnau perinta Allah, mangku dikiciakka ngan gegalau bangsau jak di tulisan nabi-nabi, supayau ughangtu percayau ngan ta'at ngan Allah.

2 KURINTUS 10:14

Mangku kami nidau di luagh batas daira kerjau kami, masau kami berayak ngan kamu senitu ngan ngiciakka ceritau iluak jak di Keristus ngan kamu.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

IPISUS 3:2

Cengki kamu la ndengagh, bansau Allah la nugaska aku bekerjau batan endak kamu karnau keilu'an atiAu.

IPISUS 4:21

Kamu la ndengagh ceritau Diau. Kamu la njadi anak-buaHau, la diajagh ceritau sipat Allah diau adau di Diau.

IPISUS 4:23

Ati ngan rupu'an kamu mesti beghuba njadi empai galau.

IPISUS 5:9

Jak di terang itu nimbul gegalau kerjau diau iluak ngan adil ngan benagh.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

PILIPI 4:17

Ukan aku cuman endak nerimau pengenjuak. Diau aku endak, supayau kamu adau asil diau nguntungka kamu.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

2 TESALUNIKA 2:13

Kantin-kantinku diau disayangi Tuhan. Kami sepantasau beterimau-kasia ngan Allah karnau kamu, karnau jak di penembai Allah milia kamu batan endak diselamatka karnau kerjau Rua Allah diau njadika kamu umatAu diau beresia, lagi pulau karnau kamu percayau ceritau diau benagh jak di Allah.

1 PITRUS 5:12

Silas, kantinku diau pacak dipercayaui nulung aku nulis surat diau dikit ini. Aku endak neguaka ngan yakinka kamu, bansau gegalaunyau ini ngenian ceritau keilu'an Allah. Bepautla nian ngan pesan ini.