KULUSI 1:22 - PEJANJIAN EMPAI CERITAU ILUAK

²² Mbak kini kamu la seilu'an ngan Diau karnau Ana'Au mati. Ngan carau itu kamu pacak dibatak ngadap Allah ngan ati beresia, nidau bediau sala ngan nidau becelakau.

KULUSI 1:22 Iomraidhean Croise

LUKAS 1:75

kitau diau ta'at ngan melemakka atiAu seumur idup.

RUM 7:4

Luak itu pulau ngan kamu. Kamu la mati tuadap ukum Taurat, karnau kamu la seghundak ngan badan Keristus. Mangku kamu la njadi hak Keristus diau la diidupka agi jak di mati, supayau kitau begunau batan endak Allah.

2 KURINTUS 11:2

Aku nyanauka kamu nian luak Allah nyanauka kamu. Aku la njanjika kamu ngan Keristus. Mangku aku endak, supayau kamu maju beresia luak sughang gadis beresia enggut aghi nika.

2 KURINTUS 4:14

Kami keruan, bansau Allah diau la ngidupka Tuhan Yesus ka ngidupka kami pulau ngan Yesus. Diau ka mbata'i kami ngan kamu pulau ke adapanNyau.

2 KURINTUS 5:18

Gegalaunyautu dikerjauka Allah. Mangku karnau Keristus Allah mbuat kitau seilu'an ngan Diau ngan ngenju'i kitau kerjau ngiciakka ceritau damaitu, supayau jemau lain pulau seilu'an ngan Diau.

IPISUS 1:4

Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

IPISUS 5:27

Ngan carau luak itu ughangtu pacak ngadap Diau ngan beresia ngan alap, nidau bediau cacat ngan celakau ngan tuapau kila diau karut.

KULUSI 1:28

Diau itula kami kiciakka ngan bilang jemau, amun kami ngingatka ngan ngajagh ughangtu ngan pengertian, mangku bilang jemau njadi sempernau karnau seghundak ngan Keristus.

1 TESALUNIKA 4:7

Allah milia kitau, ukan supayau kitau idup ja'at, tapitu supayau kitau idup beresia.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

IBRANI 10:20

Diautu la mbuat jalan diau empai batan endak kitau, jalan diau ngenjuakka idup. Jalan itu wuan tabir, diautu badan Yesus itula.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.