KULUSI 1:16 - PEJANJIAN EMPAI CERITAU ILUAK

¹⁶ Allah ngajung Diautu njadika gegalaunyau diau adau di sergau ngan di deniau, empuak diau kina'an empuak diau nidau kina'an, lagi pulau gegalau rua diau bekuasau ngan merinta. Gegalaunyautu dijadika karnau Keristus batan endak Keristus.

KULUSI 1:16 Iomraidhean Croise

YUHANIS 1:10

Diau la adau di deniau. Deniau ini dijadikaNyau, anyautu deniauni nidau keruan Diau.

YUHANIS 1:3

Gegalaunyau dijadikaNyau, mangku amun ukan Diau, sutiak kia nidau njadi.

RUM 11:36

Gegalaunyau dijadika Allah, asalau jak di Allah, batan endak Allah. Allah diagungka selelamaunyau Amin.

RUM 8:38

Aku yakin, di gegalau deniau nidau bediau diau pacak ngalangi Allah nyayangi kitau, empuak mati, empuak idup, empuak malaikat, empuak penguasau, empuak masau mbak kini, empuak masau diau ka datang,

RUM 9:5

Ughangtu pengadau niniak puyang kami diau agungtu. Secarau manusiau Keristus asalau jak di bangsau itu. Allah diau nguasaui gegalaunyau dipuji selelamaunyau. Amin.

1 KURINTUS 8:6

Anyautu amun kitau, Allah gi sughang, Diautu Bapak diau njadika gegalaunyau. Batan endak Diaula kitau idup. Mangku Tuhan gi sughang pulau, Diautu Yesus Keristus. Karnau Diau gegalaunyautu dijadika mangku karnau Diau pulau kitau idup.

IPISUS 1:10

RencanauNyautu supayau gegalaunyau, empuak di sergau empuak di deniauni, njadi seghundak, mangku Keristus njadi kepala'au. Titu ka dikerjauka Allah, amun la sampai masaunyau.

IPISUS 6:12

Kitau bejuang ukan melawan manusiau, anyautu melawan kekuatan iblis diau nguasaui masau diau ja'at ini. Kitau melawan kekuatan rua ja'at diau nguasaui awang-awang.

PILIPI 2:10

Mangku Yesus diregaui gegalaunyau diau adau di sergau ngan di deniauni ngan di deniau jemau mati nunduak nyemba Diau.

KULUSI 1:15

Keristus itu gambaran diau nyatau jak di Allah diau nidau kina'an. Diau anak tuau, pentingla Diau sangkan gegalaunyau diau dijadika.

KULUSI 1:20

Mangku karnau Diau, Allah ndamaika ngan diriAu gegalaunyau diau adau di sergau ngan di deniau. Allah ngerjauka titu ngan carau Ana'Au mati di kayu salip.

KULUSI 2:10

Mangku karnau kamu idup seghundak ngan Keristus, kamu dienju'i idup ngenianau. Keristusla kepalak gegalau rua diau bekuasau ngan merinta.

KULUSI 2:15

Diau la mbuat gegalau rua diau bekuasau ngan merinta nidau bekuasau agi. Ruatu dijadikaNyau tuntunan gegalau jemau, masau Diau nggiring ruatu njadi kawalan karnau menang.

IBRANI 1:2

Masau pengabisan ini Diau la ngajung Ana'Au ngiciak ngan kitau. Diau ngajung Ana'Autu njadika langit ngan deniau ngan gegalau isiau, mangku ditetapkaNyau behak nerimau gegalaunyau.

IBRANI 2:10

Allah itu njadika gegalaunyau batan endak diriAu. Sepantasau Diau njadika Yesus sempernau ngan carau Diau sengsarau, mangku dibata'Au banyak jemau endak diagungka. Diautu pulau mbukak jalan mangku ughangtu selamat.

1 PITRUS 3:22

ngan la nayiak ke sergau. Mbak kini Diau duduak di sebela kanan Allah ngan merinta gegalau malaikat ngan penguasau ngan rua.