KULUSI 1:13 - PEJANJIAN EMPAI CERITAU ILUAK

¹³ Diautu la ngilakka kitau jak di kuasau iblis mangku ngaliaka kitau dalam kuasau Ana'Au diau disayangi.

KULUSI 1:13 Iomraidhean Croise

MATIUS 17:5

Diau gi ngiciak luak itu, adau aban terang tughun ngan mbayangi ughangtu, mangku jak di dalam aban itu tedengagh suarau diau bekatau, “Inila AnakKu diau Kusayangi. Diau melemakka atiKu. Dengaghkala Diautu.”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 3:17

Mangku adau suarau jak di langit, katauNyau, “Inila AnakKu diau Kusayangi. Diau melemakka atiKu.”

LUKAS 13:24

Yesus nimbal, “Beusahala, mangku masuak jalan duaghau supit, karnau ingatkala, banyak jemau ncubau endak masuak, anyautu nidau pacak.

LUKAS 22:53

Idang aghi Aku adau guak kapu dighi di Ghuma Allah. Kapu dighi nidau nangkap Aku. Na, mbak kini masaunyau kapu dighi pacak ngerjaukanyau, masau iblis bekuasau.”

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

YUHANIS 3:35

Bapak nyayangi Ana'Au, mangku gegalau kuasau dienjuakka ngan Diau.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

2 KURINTUS 11:14

Nidau nanti kemangan ughangtu ngerjauka titu. Iblis pulau luluak malaikat terang.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

IPISUS 4:18

Rupu'an ughangtu la nyimpang. Ughangtu nidau meghasauka idup diau dienjuakka Allah, karnau ughangtu bigal ngan melawan.

IPISUS 5:5

Ingatkala iluak-iluak, jemau diau peremba'au menaugawia ngan nidau senangaian ngan selak, kerjau itu semegi ngan nyemba diwau. Jemau itu nidau pacak dikiciakka Keristus njadi rajau dalam idupau, mangku nidau ka bulia setu diau disediauka Allah batan endak umatAu.

IPISUS 5:8

Nyela, senitu kamu idup bekeleman. Mbak kini kamu adau di terang, karnau la njadi umat Tuhan. Karnau itu kamu mesti idup dalam terang.

IPISUS 6:12

Kitau bejuang ukan melawan manusiau, anyautu melawan kekuatan iblis diau nguasaui masau diau ja'at ini. Kitau melawan kekuatan rua ja'at diau nguasaui awang-awang.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

IBRANI 2:14

Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

2 PITRUS 1:11

Mangku kamu ka dienju'i nian hak masuak sergau, itu kerajauan diau selelamaunyau jak di Tuhan ngan Rajau Penyelamat kitau Yesus Keristus.

1 YUHANIS 2:8

Anyautu perinta diau empai kutulis pulau ngan kamu, diau la dinyatauka benagh ngan Keristus ngan kamu pulau, karnau keleman laka lengit ngan terang diau benagh mulai besinagh.

1 YUHANIS 3:14

Kitau la ngalia jak di mati ke idup nian. Kitau keruan titu, karnau kitau nyayangi kantin-kantin kitau. Jemau diau nidau nyayangi masia dalam kuasau maut.

1 YUHANIS 3:8

Jemau diau maju bedusau asalau jak di Iblis, karnau Iblis bedusau jak di penembai. Batan inila Anak Allah datang, endak ngancurka kerjau Iblis itu.