Ikarajiitzi 31:2 - Ashéninka Perené

² “Paanakiri maaroni Israel-iiti inkisawin-tajyaa, ijati iwayiri-tajyaari Maimani-wini-satzi. Aririka pimatakiro, aritaki pintsipa-siri-tajyaari piwaisatziti-payi.”

Ikarajiitzi 31:2 Iomraidhean Croise

Itanta-nakari 15:15

Irooma awiroka, tikatsi awishi-motimi-ni, kamiitha pinkamaji pantyasipari-tapaaki, pintsipa-tajyaari picharinii-tini.

Itanta-nakari 25:8

Kamiitha ikamaji Abraham aakiri yantyasiparinka.

Éxodo 2:16

Tima anta Maimaniwiniki ari inampitarori antyawiyari ipaita Reuel, tzimatsi 7 irisinto irirori. Ari ojajiitaki iroori ayi nijaa irajiitiri ipirapayi asitarori.

Ikarajiitzi 25:1

Ari isaikajii-tapaaki Israel-iiti anta Inchatoniki. Imayimpi-waiyi-takiro Athataa-wini-sato.

Ikarajiitzi 25:6

Ikanta aparoni ishininka Israel-iiti yamaki Maimani-wini-sato tsika yapatojiitaka ishininka-payi, iñaawakiri Moisés, aajatzi maaroni Israel-iiti isaikajiitzi iraako-waijiita iriroriiti ikyaapiin-taitzira Tasorintsi-thaanti.

Ikarajiitzi 31:1

Ari iñaanatajiri Pawa yoka Moisés, ikantajiri:

Ikarajiitzi 31:3

Ikaimakiri Moisés maaroni ishininka-payi, ikantakiri: “Piwitsika-yitajyaa awirokaiti, pijati pinkisa-wintajyaa piwayiri-tyaari Maimani-wini-satzi, tima irootaki inintakiri Pawa.”

Lucas 21:22

Tima inkisako-wintai-tatyii-yaari yokaiti, ari omonkara-yityaari okaratzi isankinai-takiri pairani.

Yantayi-takiri 13:36

Omapiro, kaari David inkinkithata-koiti aka, tima yañaakaa-paintziri Pawa, ipoñaa imakoryaaki, itsipataari iwaisatzitini ikitayitaja, ari ositzi-tajiri iwatha.

Roma-satzi 12:19

Notakotaní, airo pikisako-winta-waita awiroka, apatziro iyotziro Pawa, iriitaki kisakowintyaamini. Tima iroka isankinai-takiri pairani, ikantaitaki: Ikantzi Awinkathariti: Naakataki wasankitaan-tatsini, Naakataki kisakowintan-tachani.

Roma-satzi 13:4

Tima iriitaki Pawa pinkatha-ritakairiri yokapayi yaamaako-wintan-tyaamiri. Aririka pantiro kaari-pirori, pintharowan-tyaari pinkathari, tima ti ontzimi-mota-sityaari irirori iwisa-minto. Tima iriitaki Pawa pinkatha-ritakairiri yokaiti, irijatzi Pawa owasankitaa-kaantziriri ikaratzi antzirori kaari-pirori.

1 Tesalónica-satzi 4:6

Paamawintyaa piwari-siritziri=kari iyiki kimisanta-naatsiri. Tima nokaman-takimiro aritaki iwasankitaakiri Pawa antakironi iroka.

Heber-iiti 10:30

Irooma arokaiti ayotziri kantain-tsiri: Naakataki wasankitaan-tatsini, Naaka kisakowintan-tachari. Irootaki ikantakiri Pawa. Ikantaitzi aajatzi: Iwasankitaa-yitziri Pawa ikaratzi yasitaari irirori.

Iñaakan-taitziri 18:20

Irooma awirokaiti inkiti-satzi, kitisiriri, Tyaantaariiti, Kamantan-tzinkariiti, Ontzimatyii pinkimo-siriyiti, tima ikamanta-yitzi-takai Pawa iro iwasankitaan-takariri saikantarori antaro nampitsi, ikisako-winta-yitaa-tyaami awirokaiti.

Iñaakan-taitziri 19:2

Okaratzi inintziri yantiri irirori, tampatzika okantayitaka. Iriipirori inatzi. Tima iwasankitaakiro mayimpiro owaaripiro-yitakiriri kipatsi-satziiti. Ikisako-wintaari ikaratzi iwamaitakiri impiratani.

Iñaakan-taitziri 6:10

Iriitaki kaimayita-naintsi sintsiini, ikantajiitzi: “Nowinkathari-pirotí, Tasorintsí, Iriipirorí. ¿Tsika-paitima onkarati piyaawintyaa onkantyaa pinkisako-wintan-tyaanari, piwasankitaa-yitajiri osaawi-satziiti?”

Jiwari-payi 16:24

Ikanta iñaajiitakiro atziri-payi, imatanakiro irirori ipanthai, itharowinta-wintari iwawa-niroti, ikantajiitzi: “Iriitaki awawani sinitakairiri aisaniintani Sansón, Iriitaki iriipiro-witachari iyaaripirotzi-tairo awankiri, Iwamaaki oshiki ashininka-payi.”

Jiwari-payi 2:10

Ikanta ikamayitaki ikaratzi tsipayi-takariri pairani Josué. Ari ikantzi-takari ikaratzi owakira tzimayi-witaa-chari, kaari yotako-piro-tirini Pawa tsika ikanta inisironkatari pairani ishininka-payi.