Sant Marc 5:15 - Lis Evangèli 1903 (Provençal)

¹⁵ Vènon dounc vers Jèsu, e l'ome qu'èro esta sagagna pèr lou demòni, lou veson d'assetoun, qu'es vesti e qu'a mai soun bon sèn; em'acò prenguèron pòu.

Sant Marc 5:15 Iomraidhean Croise

Sant Matiéu 12:29

Coume pòu quaucun intra dins l'oustau dóu fort e piha tóuti sis eisino, s' a pas siuen proumié d'estaca lou fort? après, pourra 'nsin ié piha soun oustau.

Sant Matiéu 26:53

Te creses que noun pode prega moun Paire, e qu'éu noun me mandarié subran mai de douge legioun d'Ange?

Sant Matiéu 4:24

Alor s'espandiguè sa renoumado dins touto la Sirìo, e ié presentèron tóuti li doulènt, qu'avien arrapa divèrsi malautié e marrit mau, lis endemounia, li luna, li paralisa; em'acò li gariguè.

Sant Matiéu 9:33

Or, lou demòni uno fes embandi, parlè lou mut, e li gènt n'en fuguèron espanta. Jamai, fasien, s'es vist de causo ansin en Israèl.

Sant Marc 5:14

Aquéli que gardavon s'encourreguèron e l'anèron dire dins la vilo emai dins li champ. E li gènt sourtiguèron pèr vèire ço qu'èro arriba.

Sant Marc 5:16

Aquéli qu'avien vist countèron au mounde coume s'èro passado la causo pèr l'endemounia emai pèr li porc.

Sant Marc 5:18

Coume mountavo dins la barco, l'ome qu'èro esta sagagna pèr lou demòni, se boutè à lou prega que lou leissèsse resta 'm'éu.

Sant Marc 5:4

Car souvènti-fes i'avien bouta lis enfèrri e 'mé de cadeno l'avien estaca, mai éu avié fa peta li cadeno e mes lis enfèrri en póutiho; basto, degun lou poudié doumta.

Sant Marc 5:9

E ié demandè: Coume te dison? Éu respoundeguè: Me dison Legioun pèr-ço-que sian bravamen.

Sant Lu 10:39

Aquesto avié 'no sorre, dóu noum de Marìo, que, se tenènt d'assetoun i pèd dóu Segnour, escoutavo sa paraulo.

Sant Lu 8:27

E quand Jèsu aguè davala en terro, ié courreguè au rescontre un ome qu'èro endemounia dempièi que-noun-sai de tèms. D'abihage n'èro nus, e noun es dins un oustau que restavo, mai dins li toumbèu.