Sant Marc 3:2 - Lis Evangèli 1903 (Provençal)

² Or, tenien d'àment pèr vèire se lou garirié un jour de sabat, e acò sus l'estiganço de l'acusa.

Sant Marc 3:2 Iomraidhean Croise

Sant Matiéu 12:10

E ié trouvè 'n ome qu' avié 'no man entre-secado. Em' acò éli lou questiounavon, disènt: Es permés de gari, li jour de sabat? e acò-d'aqui sus l'estiganço de l'acusa.

Sant Marc 3:3

Mai ié diguè à l'ome de la man entre-secado: Vène eici au mitan.

Sant Lu 14:1

Se rescontro que Jèsu intrè dins l'oustau d'un di principau Farisen, un jour de sabat, pèr ié manja 'n moussèu; em'acò éli lou tenien d'à ment.

Sant Lu 20:20

E, lou tenènt d'à-ment, ié mandèron de gènt routinous, que farien vejaire d'èstre juste, sus l'estiganço de lou sousprene en si paraulo, pèr lou remetre pièi i man de l'autourita e au poudé dóu gouvernour.

Sant Lu 6:7

Tenien d'à ment lis Escribo e li Farisen pèr vèire se farié'no garisoun lou jour dóu sabat, e trouva 'qui uno resoun de l'acusa.

Sant Jan 8:6

Parlavon ansin sus l'estiganço de lou tenta pèr pousqué pièi l'acusa. Mai Jèsu, se boutant de clinoun, escrivié au sòu emé lou det.

Sant Jan 9:16

Sus acò-d'aqui, quàuquis-un di Farisen diguèron: Aquel ome vèn pas de Diéu, estènt que noun gardo lou sabat. Mai'd'autre venien: Coume pòu un pecadou coumpli de miracle ansin? E i'avié desacord entre éli.