Sant Marc 16:14 - Lis Evangèli 1903 (Provençal)

¹⁴ Enfin apareiguè i Vounge, d'enterin qu'èron à taulo; e ié reprouchè soun incredulita emai sa dureta de cor, dóumaci avien pas creigu aquéli que l'avien vist ressuscita.

Sant Marc 16:14 Iomraidhean Croise

Sant Matiéu 11:20

Alor coumencè de charpa li vilo ounte avié coumpli un mouloun de miracle, em' acò n'avien rèn fa penitènci.

Sant Matiéu 17:20

Mai aquelo merço de demòni noun s'embandis que pèr la preguiero e lou june.

Sant Matiéu 28:17

E tre lou vèire, l'adourèron; quàuquis-un, pamens, fuguèron en doutanço.

Sant Marc 7:18

E ié diguè: Coume! avès tant pau de sèn qu'acò? Capitas pas que tout ço que dóu deforo intro dins l'ome noun pòu l'embruti?

Sant Lu 24:11

Mai aquésti regardèron coume un pantaiage li paraulo d'aquéli femo, e li creiguèron pas.

Sant Lu 24:25

O estùrti, ié venguè Jèsu, que tastejon dins soun cor pèr crèire à tout ço qu'an di li Proufèto!

Sant Jan 20:25

Adounc ié faguèron lis àutri disciple: Avèn vist lou Segnour. Mai aquest de ié respondre: Franc que vegue dins si man lou trau di clavèu, e que boute lou det à la plaço' di clavèu, e que boute ma man dins soun coustat, iéu noun creirai.

Sant Jan 20:26

Passa vue jour, tourna-mai li disciple se capitavon au meme endré, e Toumas i'èro. Jèsu venguè, li porto estènt clavado, e se tenguè au mitan d'éli e diguè: Pas à vautre!

Sant Jan 20:27

Pièi à Toumas: Intro, diguè, toun det aqui e regardo mi man; aduse ta man e bouto-la dins moun coustat, e fugues plus incredule, mai cresènt.

Sant Jan 21:1

Jèsu, pièi, se manifestè mai i disciple, en ribo de la mar de Tiberiado. Se manifestè coume eiçò:

Sant Jan 21:14

Acò faguè li tres fes que Jèsu se manifestè à si disciple, desempièi qu'èro ressuscita di mort.