Sant Marc 13:26 - Lis Evangèli 1903 (Provençal)

²⁶ E alor veiran lou Fiéu de l'ome veni sus li niéu em'uno puissanço e 'no glòri di grando.

Sant Marc 13:26 Iomraidhean Croise

Sant Matiéu 16:17

Jèsu ié respoundeguè: Benurous siés, Simoun, fiéu de Jounas, pèr-ço-que noun es la car ni lou sang que te l'an revela, mai moun Paire qu'es dins lou cèu.

Sant Matiéu 16:27

Car lou Fiéu de l'ome vendra dins la glòri de soun Paire, en coumpagno de sis ange, e alor rendra en cadun segound sis obro.

Sant Matiéu 16:28

Veramen vous lou dise, n'i'a d'aquéli que soun eici que noun passaran pèr la mort, d'aqui-que vegon lou Fiéu de l'ome veni dins soun reinage.

Sant Matiéu 24:30

E alor pareira lou signe dóu Fiéu de l'ome dins lou fiermamen; em' acò se doulentaran tóuti li pople de la terro; e veiran lou Fiéu de l'ome veni sus li niéulo dóu cèu em' uno poutesta di grando e 'no grando majesta.

Sant Matiéu 25:31

Or, quouro vendra lou Fiéu de l'ome dins sa majesta, emé touti lis ange à sa coumpagno, s'assetara sus lou trone de sa glòri.

Sant Marc 14:62

Jèsu ié respoundeguè: Iéu lou siéu; e veirés lou Fiéu de l'ome sèire à la drecho de la vertu de Diéu e veni sus li nivo dóu cèu.

Sant Marc 8:38

Car se quaucun a vergougno de iéu e de mi paraulo au mitan d'aquesto generacioun adultro e pecadouiro, lou Fiéu de l'ome tambèn aura vergougno d'éu, se 'n-cop vendra dins la glòri de soun Paire, en coumpagno dis ange sant.

Sant Marc 9:1

Sièis jour après, Jèsu prenguè Pèire emé Jaque e Jan, e li menè sus uno auto mountagno, à despart, éli soulet, em' acò fuguè trasfigura davans éli.

Sant Lu 21:27

E veiran alor veni lou Fiéu de l'ome sus un niéu, en grando puissanço e majesta.