Sant Marc 12:15 - Lis Evangèli 1903 (Provençal)

¹⁵ Mai éu, couneissènt sa routino d'éli, ié diguè: Perqué me tentas? Adusès-me 'n denié, pèr vèire.

Sant Marc 12:15 Iomraidhean Croise

Sant Matiéu 20:2

Aguènt fa pache emé lis oubrié d'un denié pèr sa journado, li mandè à sa vigno.

Sant Matiéu 22:18

Mai Jèsu, devistant soun marridige, ié diguè: Que venès me tenta, ipoucrito?

Sant Marc 10:2

Alor s'avancèron d'éu, li Farisen, e ié demandèron: Es-ti permés à l'ome d'enmanda sa mouié. — Èro pèr lou prouva.

Sant Marc 12:14

Aquésti vènon e ié fan: Mèstre, sabèn que sias vertadié, e que vous soucitas de res: arregardas pas, dóumaci, la mino di gènt, mai ensignas lou camin de Diéu dins la verita. Es-ti permés de paga lou tribut à Cesar, o bèn lou pagan pas?

Sant Marc 12:16

N'i'aduguèron un. Alor ié demandè: De quau es aquelo tèsto e l'escri qu'es dessus? Ié diguèron: De Cesar.

Sant Lu 20:23

Mai éu, devistant sa routino d'éli, ié venguè: Perqué me tentas?

Sant Jan 21:17

Pèr la tresenco fes ié demandè: Simoun, fiéu de Jan, m'ames? N'en aguè la lagno, Pèire, que Jèsu i'aguèsse demanda pèr li tres fes: M'ames? em'acò ié respoundeguè: Segnour, vous, couneissès tout; vous, sabès que vous ame. Jèsu ié diguè: Paisse mi fedo.

Sant Jan 8:6

Parlavon ansin sus l'estiganço de lou tenta pèr pousqué pièi l'acusa. Mai Jèsu, se boutant de clinoun, escrivié au sòu emé lou det.