Sant Marc 11:25 - Lis Evangèli 1903 (Provençal)

²⁵ E quouro vous tendrés dre pèr prega, perdounas s'avès quaucarèn contro quaucun, pèr que voste Paire, qu'es dins lou cèu, vous perdoune à vautre vòsti pecat.

Sant Marc 11:25 Iomraidhean Croise

Sant Matiéu 5:23

Adounc s'aduses toun presènt à l'autar e qu'aqui te remetes que toun fraire a quaucarèn contro tu,

Sant Matiéu 6:12

E remetès-nous nòsti dèute, coume li remetèn nous-autre en quau nous es devènt.

Sant Matiéu 6:5

Tambèn quand pregas, fugués pas coume lis ipoucrito qu'amon de prega, en se tenènt dre dins li sinagogo emai i cantoun di plaço de ciéuta, pèr èstre vist dóu mounde. Veramen vous lou dise, an reçaupu sa recoumpènso.

Sant Lu 18:11

Lou Farisen, dre, pregavo dintre éu coume eiçò: O Diéu, gràci te rènde de noun èstre iéu coume lou restant dis ome que soun raubaire, injuste, adultre; ni meme coume aquéu publican.

Sant Lu 18:13

Pèr contro, lou publican, se tenènt liuen, ausavo pas meme aussa lis uei vers lou cèu; mai se tabassavo lou pitre, en disènt: O Diéu, agués pieta de iéu, que siéu pecadou.

Sant Lu 6:37

Jugés pas, e noun sarés juja; coundanés pas, e noun sarés coundana. Perdounas, e vous perdounaran.