Sant Marc 10:32 - Lis Evangèli 1903 (Provençal)

³² Or, èron en routo que mountavon à Jerusalèn; Jèsu ié caminavo davans, e tóuti èron espanta e lou seguissien emé cregnènço. Eu prenènt tourna-mai li Douge à despart, se boutè à ié dire ço qu'arribarié pèr éu.

Sant Marc 10:32 Iomraidhean Croise

Sant Matiéu 11:25

A-n-aquelo ouro, Jèsu parlè coume eiçò: Te rènde glòri, o Paire, Segnour dóu cèu e de la terro, perqué as escoundu aquéli causo i sage em'i prudènt e lis as revelado i pichoun.

Sant Matiéu 13:11

E ié respoundeguè: Pèr-ço-que vous es dounado à vautre la couneissènço di mistèri dóu reiaume celestiau, e qu'à-n-éli i'es pas dounado.

Sant Marc 1:27

N'en fuguèron li gènt dins l'amiracioun, bèn tant que dis un is autre se demandavon: Qu'es eiçò? qu'es aquelo dóutrino nouvello? A l'empèri jusquo sus lis esperit orre, ié coumando e i'óubeïsson.

Sant Marc 4:34

E noun ié parlavo pas sènso parabolo; mai pièi à despart esclargissié tout acò à si disciple.

Sant Lu 10:23

E se virant vers si disciple, diguè: Urous lis uei que veson ço que vesès!

Sant Lu 19:28

Acò di, Jèsu se boutè à camina davans éli vers Jerusalèn.

Sant Lu 9:51

Or, vous trouvarés, coume èron proche i jour de soun enlevamen d'aquest mounde, éu prenguè 'no mino decidado pèr s'adraia vers Jerusalèn.

Sant Jan 11:16

Toumas, que ié dison Didime, faguè 'nsin alor is àutri disciple: Anen-ié peréu, nautre, e mouren em'éu.

Sant Jan 11:8

Si disciple ié faguèron: Mèstre, tout-bèu-just vous cercavon li Judiéu pèr vous aqueira, e ié toumas mai eila?