Sant Marc 1:24 - Lis Evangèli 1903 (Provençal)

²⁴ Dequé i'a entre nautre e tu, Jèsu de Nazarèt? Sariés vengu nous perdre? Sabe quau siés: lou Sant de Diéu.

Sant Marc 1:24 Iomraidhean Croise

Sant Matiéu 2:23

Em'acò venguè resta dins un endré que ié dison Nazarèt, pèr que s'acoumpliguèsse la paraulo di proufèto: Ié diran lou Nazareíen.

Sant Matiéu 8:29

E se boutèron à ié crida, disènt: Que i'a entre nautre e tu, o Jèsu, Fiéu de Diéu? Es que siés vengu eici nous faire carcina avans l'ouro?

Sant Marc 1:23

Or i'avié dins sa sinagogo d'éli un ome agarri de l'esperit orre que ié cridè:

Sant Marc 1:25

Mai Jèsu lou charpè disènt: Mutes plus, e sorte d'aquel ome.

Sant Marc 10:47

Entre saché qu'èro Jèsu de Nazarèt, se boutè à crida e à dire: Jèsu, fiéu de Dàvi, agués pieta de iéu.

Sant Marc 14:67

E quand aguè vist Dèire que se caufavo, elo, tout en l'espinchant, diguè: Emai tu, i'ères emé Jèsu de Nazarèt.

Sant Marc 16:6

Mai éu ié venguè: Vous esfraiés pas. Cercas Jèsu de Nazarèt, qu'es esta crucifica. A ressuscita, i'es plus eici! veici lou rode ounte l'avien mes.

Sant Marc 5:7

E d'uno voues bramanto ié diguè: Dequé i'a entre iéu e tu, Jèsu, Fiéu dóu Diéu Autisme? Te n'en prègue au noum de Diéu, me tourmentes pas.

Sant Lu 1:35

L'ange ié respoundeguè, disènt: Lou Sant-Esperit davalara en vous e la vertu de l'Autisme vous oumbrejara. Vaqui perqué lou Sant que dèu naisse de vous, ié diran lou Fiéu de Diéu.

Sant Lu 24:19

Dequé? ié diguè. Ié respoundeguèron: A prepaus de Jèsu de Nazarèt, qu'es esta 'n proufèto pouderous en obro emai en paraulo, davans Diéu e davans tout lou pople;

Sant Lu 4:34

Disènt: Laisso! Dequé i'a entre nautre e tu, Jèsu de Nazarèt? Sariés vengu nous perdre? Tu, sabe quau siés: lou Sant de Diéu.

Sant Lu 8:28

Aquéu-d'aqui, tre vèire Jèsu, toumbè au sòu davans éu, e d'uno voues bramanto diguè: Que i'a entre iéu e tu, Jèsu, Fiéu dóu Diéu Autisme? Te n'en prègue, me tourmentèsses pas.

Sant Lu 8:37

Alor touto la poupulacioun dóu païs di Gerasen preguè Jèsu de s'aliuncha, qu'èron tóuti pres d'un gros esfrai. Adounc, éu mountè dins la barco pèr s'entourna.

Sant Jan 6:69

Simoun-Pèire ié respoundeguè: Segnour, vers quau anarian? Avès li paraulo de la vido eternalo.