1 Pétéru 2:7 - Paicî

⁷ Â guwà côo, dau âjimuru tâjè i pwi atü bèepwiri—[wà Iésu Kériso] ba jè jèe cèikî naa gooé. Êco na [wàéni ê popai goo] wà tàpé na tàutàra na rà cèikî naa gooé: I pwi atü na rà tétâjii wà tèpa ba wâ, âna nye wàé kaa pwiri, i âji êkêe! [Tàutàra goo pwi ò kâra wâao!] Psaume 118.22

1 Pétéru 2:7 Iomraidhean Croise

Mataio 21:42

 é pwa ma ina tàra mwara wà Iésu pâ: «Gona câguwà caa pûra ê pwina wii naa na Tii Pwicîri? Ba jèe wii pâ: I pwi atü na rà tétâjii wà tèpa ba wâ, âna nye wàé kaa pwiri, i âji êkêe! [Tàutàra goo pwi ò kâra wâao!] Ba nye autûâri kà Pwi Ukai. Jè pò goo pwényuâa kêe. Psaume 118.22–23

Luka 2:32

Pwi pwéelaa kâra ê gòropuu diri. Pwényuâa kâra ê Ba, ê Ba'gà, Isaraéla.»

Luka 2:34

 nabwé, â é *pwényu-nyuâariru, â é ina tà Maria, pâ: «Ê pwi èpo'gà, âna ée mwa pwi câmu kâra ê Ba Isaraéla.  o wâru tàpé na rà o cicaraé, â rà o pâiti jii Pwiduée.  o wâru mwara tàpé na rà o cimadò gée gooé ma rà o pâmari Pwiduée.

Luka 20:17

 é niârirà wà Iésu, â é tòpi tàra pâ: «Guwà jèe niimiri cai i pwi ia wii naa na Tii Pwicîri pâ: I pwi atü na rà tétâjii wà tèpa ba wâ, âna nye wàé kaa pwiri, i âji êkêe! [Tàutàra goo pwi ò kâra wâao!]» Psaume 118.22

Ioane 4:42

 rà ina tà tô ilàri pâ: «Câbà caa cèikî gée goro ê jèkutâ'gà co. Ba nabàni, âna bà jèe têreê.  bà tâmogòori pâ wàé kaa, âna é *pwi a pa-udò pâ âboro gòropuu!»

Apostolo 26:19

«Wàrapwiri co Ukai Agrippa, â po dau pwacoé tôo ma câgo caa pitêre dàra ê pwina go côo, ba ê muru na me gée jaa wà Pwiduée.

Roma 10:21

 wà Pwiduée, âna é ina mwara goo tèpa *Isaraéla, pâ: Go tu pâ goro du îô, dàra ê Ba bèepwiri, diri pâ tòotù. [Go paari pwâranümoo.  càra caa medario.] Ba dau gòo pûrurà. Càra caa pitêre dòo. Ésaïe 65.2

Roma 15:31

Guwà pwapwicîri, ba na rà o cibwaa tubaèpà tôo wà tàpé *Judée na tàutàra dàra cèikî naa goo Kériso. Â guwà pwapwicîri mwara ba kà tèpa cèikî naa Iérusaléma, ba na rà o tòpi bwàti ê bépitu na go pa pâdarirà.

Kolosé 2:10

 guwà jèe tòpi ê wâro kàwà na tâbawêe, gée goo na guwà tâa gooé. Wàé na tâa têe diri ê tàrù ma pàtàmee, naa goro diri pâ pitûâ, [ma duée] ma pàtàma.

Tito 3:3

Âjupâra pâ, napwiri, âna wàijè mwara, âna nye ticè na jè tâmogòori [naa goo Pwiduée]. Â tàutâjè na jè pitêre dèe. Â jè ipanuâjè, ba na ipa-imwürujè. Â jè pâ nau tèpa piênawéna kâra pâ câbawâdé imudi, ma ê pâ na jèpapara ipwàdée imudi. Jè pwa ê wâro na èpà. Jè tèpa piboo. Â jè tèpa pièpàrijè.

Hébéru 11:31

Wà Rahab, wà tô ilàri gòronaigé [wâ Iériko] âna é cèikî naa goo wà Pwiduée. Â nye gée goro kaa ê cèikî kêe, na é tòpi wà i tupédu coda Isaraéla, na ia mara cùruru, ba na ru cai i ville. Êkaa na é udò [ê tâa kêe]. Êco na rà cau bà wà diri pàra tèpa âboro naa na ville, gée goo na càra caa tèpa pitêre dà wà Pwiduée.

Hébéru 4:11

Wiàna wàrapwiri, â wâdé na jè ipwadàrapwa ma jè tòpi ê âji pinaanapô kà Pwiduée. Â jè cibwaa pwaduwà kà tèpa jojoorojè, [tèpa *Isaraéla] na ia rà ipwatàu. Ba wà pwina câé caa pitêre dà Pwiduée, âna é pâiti.

1 Pétéru 1:8

Câguwà caa mu côo wà Iésu, êco na wânümawà gooé. Â bwaa câguwà pâ côoê, êco na guwà tàgére cèikî naa gooé. Â gée goo kaa pwiri, âna é pa-udòwà wà Pwiduée, [ma naa tàwà ê *âji wâro]. Â o nye dau maina awé kaa ê ipwàdée kàwà, na pwacoé ma jè ina.

1 Pétéru 2:4

Guwà medari wà Pwi Ukai Iésu, [â guwà tâa jaaé]. Ba wàé pwi pàara ê wâro kâjè, ma pwi atü na é wâro! Rà tétâjiié wà tèpa âboro èpà, êco na é pitòrigarié wà Pwiduée, ba dau pwamuru naa gooé.

1 Pétéru 2:8

 jèpwi mwara: O cigòtù â tèpa cicarao; Rà tûuboo awé gée goo Atü kôo-bà! Ésaïe 8.14 Wàépwiri wà tàpé na càra caa cèikî naa gooé, [âna rà jèe tûu awé]. Ba wàépwiri ê câbawâdé [kà Pwiduée] goo wà tàpé na càra caa pitêre dàra ê popai kêe.