Lucas 8:10 - Paranan

¹⁰ Tummábbig ti Jesus, “Neatád dán dikomoy en karapatan a maintendiyan en lihim tungkul ten pághari nen Diyos. Peru ten agum ay magupusák ten pamamag-itan nen talinhaga tánni, ‘Maski umileng hidi ay awan hidi ti ketan, Sakay maski ni mágsanig hidi ay awan hidi ti maintendiyan.’ ”

Lucas 8:10 Iomraidhean Croise

Mateo 11:25

Ti panahunid a iyud ay kinagi ni Jesus, “Ama, Panginoon nen langet ay ten luta, magpasalamaták dikomu gapu inlihim mu i bagayid a hidi iyád ten mágkarunung sakay mágkatalinu, sakay impahayag mu ten tolay hidi a en kaluuban di ay kumán a anak.

Mateo 16:17

Kinagi ni Jesus dikona, “Pinagpala ka Simon, a anak ni Jonas! Gapu iyád a katutuhanan ay awan impahayag dikomu ni deyaman nan nen Ama ku dilanget.

Marcos 4:11

Kinagi ni Jesus, “Inyatád dán dikomoy en karapatan a maintendiyan moy en lihim nen pághari nen Diyos. Peru ten agum, atanan a bagay ay itoldu dikodi ten pamamag-itan ni talinhaga.

Marcos 4:12

Tánni, ‘Umáeleng man hidi ay awan hidi maketa, sakay mágsanig man hidi ay awan hidi makaintendi. Ni konahud, ay sinoli di nakuwan en Diyos sakay nakatanggap nakuwan hidi ti kapatawadan.’ ”

Juan 12:40

“Binurák nen Diyos en mata di sakay pinakáttug na en pusu di, tánni awan hidi maketa, sakay awan makaintendi en isip di, bakay sumoli hidi dikoku sakay pagpiyyaán ku hidi.”

Roma 16:25

Puriyán en Diyos a makapagpabegsák ten pánnampalataya moy a ayun ten Maganda a Bareta tungkul kánni Jesu-Cristo a impangaral ku. Iyán a Maganda a Bareta ay lihim a netagu ten nalay a panahun,

1 Corinto 12:11

Peru essa la a Ispiritu en manggamet ti atananid a iyád sakay magbahagi ten iba-iba a kaluub ten balang essa, ayun ten kagustuwan na.

Colosas 2:2

Gamitán ku iyád tánni bumegsák en isip di, sakay magmahalan hidi ten balang essa. Ni magkonahud ay magkahud hidi ti ganap a pagpapala sakay pággintendi, sakay kaalaman tungkul ten lihim nen Diyos a awan ti agum nan ti Cristo.

1 Timoteo 3:16

Awan matanggiyan en dakila a lihim nen rilihiyon tam: nehayag siya dikona nagin tolay, pinatunayan nen Ispiritu a matuwid, sakay netan nen anghel hidi. Nepangaral ten Hentil hidi, pinaniwalaan nen atanan, sakay indisunu dilanget.