Lucas 4:18 - Paranan

¹⁸ “Ked dikoku en Banal a Ispiritu, gapu piniliyák na a mángpakapospos ten Maganda a Bareta ten pubri hidi. Inutusanák na tánni ipakapospos ten piresu hidi a lumaya hidi, sakay kona bi ten burák hidi a maketa hidi. Inutusanák tánni palayaán dán en apiyadu hidi,

Lucas 4:18 Iomraidhean Croise

Mateo 11:5

Naketa en burák hidi, sakay nakapaglakad dán en pilay hidi. Nagpiyya en kinetong hidi, sakay makasanig dán en bángngág hidi. Nabiyag en patay hidi sakay en Maganda a Bareta ay netoldu dán ten mágkahirap hidi a tolay.

Mateo 12:18

“Ked háddi en pinili ku a magserbi dikoku. Mahal ku siya, sakay masayaák a tarud dikona. Iyatád ku dikona en Ispiritu ku, sakay siya en magpatupad ti katarungan ten bansa hidi.

Mateo 12:20

Awan na paghirapán en mágkahina hidi a tolay, sakay mabait siya ten awan hidi ti pag-asa, hanggan a magtagumpay en katarungan.

Mateo 4:16

En tolay hidi a ked ten kadiklámman ay naketa ti mademlag a simbuwan! Para ten mágyan hidi ten diklám nen kamatayan ay sumikat en demlag.”

Mateo 5:3

“Pinagpala en tolay hidi a en Diyos la i asaan diyid gapu mebilang hidi ten kahariyan nen Diyos.

Lucas 4:17

sakay inyatád di dikona en libru a insulat ni propeta Isaias. Binuklat na iyud sakay kona háddi en nakasulat,

Lucas 6:20

Ummileng ti Jesus ten disepulus na hidi, sakay kinagi na, “Pinagpala kam a pubri hidi, gapu maghari dikomoy en Diyos!

Lucas 7:22

Kinagi ni Jesus ten disepulus hidi ni Juan, “Sumoli kamon kánni Juan sakay kagiyán moy dikona en netan moy sakay nasanig; maketa dán en burák hidi, makalakad dán en pilay hidi, nagpiyya dán en kinetong hidi, makasanig dán en bángngág hidi, nabiyag a ruway en patay hidi, sakay ipáppangaral en Maganda a Bareta ten pubri hidi.

Juan 1:41

Kaya inaryok ni Andres en kapatkaka na a ti Pedro sakay kinagi na, “Netan mi dán en Mesias!” (En gustu a kagiyán nen Mesias ay Cristo.)

Juan 12:46

Ummangayák háddi bilang demlag ti munduwiday, tánni deyaman en maniwala dikoku ay awan dán manatili ten kadiklámman.

Juan 3:34

En inutusan nen Diyos ay magpahayag ten upos hidi nen Diyos, gapu awan ti karád en págkaluub nen Diyos ten Ispiritu na.

Gamet 10:38

Kilala moy ti Jesu-Cristo a taga-Nazaret, sakay tukoy moy bi ni konya siya a pinili nen Diyos sakay ni konya siya a naputat ti Banal a Ispiritu sakay kapangyariyan. Tukoy moy bi a maski ni hádya en angayan na ay naggamet siya ti maganda sakay nangpaibut ti dimonyo ten atanan nen hinayup hidi, gapu kaguman na en Diyos.

Gamet 26:18

Paangayán taka ti tolayid a hidi iyud tánni mabukasan en mata di hidi, sakay isoli ten kademlagan a gubwat ten kadiklámman, iligtas hidi ten kapangyariyan ni Satanas sakay isoli ten Diyos. Sakay ten pamamag-itan nen pánnampalataya di dikoku ay mapatawad hidi ten kasalanan di sakay mebilang hidi ten pinili hidi nen Diyos.’

Gamet 4:26

Naghanda en hari hidi ti lutaiday tánni lumaban, sakay nagipun-ipun en pinunu hidi tánni lumaban ten Diyos sakay ten Pinili na.’

Gamet 4:27

Natupad ngani iyád dikona a nagkaessa de Herodes ay ti Poncio Pilato, kaguman en Hentil hidi sakay en buu a Israel. Namagkaessa hidi kontra ten banal a Tagapagserbi mu a ti Jesus, a Pinili mu.

Colosas 1:13

Inligtas na kitam ten kapangyariyan nen kadiklámman sakay inyagton ten kahariyan nen mahal na a Anak,

Santiago 2:5

Tandaan moy kákkapatkaka ku hidi. Pinili nen Diyos en pubri hidi ti munduwiday tánni magin mayaman ti pánnampalataya sakay tánni mebilang hidi ten kahariyan nen Diyos a impangaku na ten atanan a magmahal dikona.

1 Pedro 2:9

Peru sikam en lahi a pinili nen Diyos, a magin padi a magserbi ten Hari, essa a bansa a para ten Diyos. Sikam en anak na hidi a inhanda na para mángpakapospos ten ginággamet na hidi a mágkaganda a bagay. Tenhud ay ked kitam ten kadiklámman peru inyagton na kitam ten makahanga na a demlag.