โรม 4:6 - Prai Bible6 ตัก อิง พะเจายูฮัว ดาวิด ก็ ไล ฮุนนะ เมือนนอย นำ เค็ย ล็อง นเดย ตี เอาซาง เค็ย เป็น ครำ เลาะ ครำ ซือ ญอน นำ เจือ นัน เอา นัน ก็ เลาะใจ ไอ มี จบ เกียว เคิบ นำ แอง ซีวะ เลาะ เตาะ Faic an caibideil |
โรม 4:6
31 Iomraidhean Croise
คาว เลาะ เน ก็ เลาะ ซีเละ กัน แอ เจือ เอาซาง นำ ก็ ระ แอ เป็น ครำ เลาะ ครำ ซือ ลด ระ แอ อุ เลาะ เคิบ ออ เจ็น ตัก อิง เตา มานะ เน ไอ มี รวง ซอ ระ แอ กุญ อุ เลาะ เคิบ เอาซาง มี มี รวง เดียว เน แอ ต็อง เจือ นำ ฮัก ลาม เอาซาง ก็ เคียน ไล อน มอก เอิญ ไล แป นะ อัห เคียน คือเน “ครำ ตี เจือ เอาซาง อัห ก็ กิว อุ เลาะ เคิบ เอาซาง อัห รีด ก็ ญอน อัห เจือ เอาซาง ฮัก” แญง เอาซาง อัง ฮาบากุก 2:4
ตี เอาซาง ญอม ฮับ อับราฮัม เป็น ครำ เลาะ นัน ก็ ไอ มี จบ เกียว เคิบ พิที ซุนัด ซัง เป็น ตัก นำ เจือ เอาซาง ฮัก เอาซาง ไล นำ แอง พิที ซุนัด แทะ นัน วัล พิที ซุนัด นัน ก็ เป็น เคือง มาย เค็ย นำ แอง เลาะ เคิบ เอาซาง แลว เจ็นนัน อับราฮัม ก็ มอก เป็น เอาจ็อง คอง แอ ตี เจือ เอาซาง มด เพาะวา เอาซาง ดอม แอ เป็น ครำ เลาะ ครำ ซือ ญอน แอ เจือ เยซู มอก อับราฮัม นัน ครำ กรอก ซอ ตัก ไอ มี แอง ซุนัด นัน เอาซาง ก็ ดอม เค็ย เลาะ ครำ ยิว ตัก แอง ซุนัด แต เจือ เอาซาง มอก อับราฮัม นัน เอาซาง ก็ ดอม เค็ย เลาะ เมือนนอย ไอ มี จบ เกียว เคิบ แอง ซุนัด เตาะ แอ จูกรอกๆ ตี เจือ มอก อับราฮัม นัน เอาซาง ก็ ดอม เค็ย เลาะ เมือนนอย มด
ตี พะเจายูฮัว ดาวิด เค็ย อัห เลาะใจ เลาะคอ นัน ก็ ไอ แมน นำ เค็ย กรอก ยิว เตานะ ดาย นำ เค็ย ครำ แอ มด จู กรอก วัล แอง ซุนัด ก็ ตึก ไอ มี แอง ก็ ตึก กัน เอาซาง ไอ มี ทือ ลุห แอ แอ ก็ เลาะใจ ซีเละ มอก เอิญ ไล แลว แอ ดอม เอิด จาง ตัก เอาจ็อง อับราฮัม ตัก อิง นัน ดาย เอาซาง เค็ย “อับราฮัม เป็น ครำ เลาะ ครำ ซือ ญอน นำ เจือ ฮัก” เอาซาง อัง นอ
แอ กุญ จู มบลึ ก็ ญอน เอาซาง ฮัก เอาซาง ระ แอ อุ เลิม เคิบ เยซู คริด แอ ก็ ลด กุญ จู มบลึ เลิม เคิบ เยซู นัน แอ มี ปันญา แอ ก็ กุญ ตัก เยซู นัน แอ กุญ อุ เลาะ เคิบ เอาซาง แอ กุญ เป็น ครำ เลาะ ครำ ซือ คอง เอาซาง ก็ ญอน เยซู ฮัก แอ ปน แอ็ม เจ็น ลุห เป็น ครำ อิซระ ก็ ญอน เยซู แอ กุญ จู มบลึ ญอน เยซู มด เจ็นนัน ก็ อำ แอ กึด เค็ย นัง ออ เก็ง อำ แอ กึด เค็ย นัง ออ เลาะ เตาะ
กัน เอาซาง เม็จ เอิญ อุ เคิบ เยซู แลว นำ ก็ ดอม เอิญ เป็น ครำ เลาะ คอง ออ แลว ญอน เอิญ เจือ เยซู คริด นัน ไอ แมน ญอน เอิญ แอง เลาะ ตาม กด เอาซาง เตาะ แต เป็น เคิบ เอาซาง แอง ระ เอิญ เลาะ อุ เคิบ ออ ญอน เอิญ เจือ เยซู ฮัก เจ็นนัน เอิญ ก็ ลด ญอม พระ แอ็ม ซะ ตี เอิญ เกย ทือ นัน มด กด เอาซาง 12:3
เอาซาง เน นำ เลือก เอิด แอ ระ แอ เป็น ครำ เลาะ ครำ ซือ คอง ออ ฮัก นำ เลือก เอิด แอ ไอ แมน ญอน แอ แอง เลาะ ซีวะ ซิห นำ เตาะ แต ตี นำ เลือก เอิด แอ ก็ ญอน นำ ใจ ดัว แอง เลาะ ซิห แอ ฮัก ตี เอาซาง เลือก เอิด แอ ก็ เพาะวา นำ ซีรอก ระ เยซู จวย แอ แอง เลาะ ซิห แอ ฮัก นำ ตัดซิน เลือก เอิด แอ วาล ไอ ตัน นำ แอง โลก แพนซิก เน แลว
ทาเน ก็ มี แกด ล็อง อัห เค็ย เจือ เอาซาง ก็ ปอ แลว แกด ล็อง อัห เค็ย แอง ฮุน เอาซาง ไล อน ก็ ปอ แลว อัห ก็ เทียง นอย จังเน แต กัน มัห เค็ย เจือ เอาซาง แต มัห ไอ มี แอง ฮุน เอาซาง ไล อน เอิญ เม็จจึด จังนัก เค็ย มัห กิว เจือ นังเลาะ เอิญ ไอ มี กิว เม็จ ดาย แต มัห ลอง ดอม อ็อญ ซะ ตี เอิญ แอง นัน กัน เอิญ แอง ฮุน เอาซาง ไล อน ซีเละ มัห ก็ เม็จจึด เค็ย เอิญ กิว เจือ เอาซาง นังเลาะ
เอิญ ซีโมน เปโตร เอิญ เป็น ลูกนอง เยซู คริด เอิญ ก็ เป็น ตัวแทน เยซู นัน ฮัก จดมาย เน เอิญ เคียน อน ตัก แป ตี เจือ เยซู คริด เลิม มอก อิห เน เอิญ เคียน อน ตัก แป ตี เจือ เยซู คริด ตี เป็น เอาซาง ตี เป็น งกีจ็อง คอง แอ นัน แป เจือ เยซู ตี แอง เลาะ แอง ซือ ตลอด แป เจือ เยซู ตี จวย แอ ปน แอ็ม เจ็น ลุห นัน ตี แป เจือ เยซู นัน ตี อิห เจือ เยซู เน ก็ มี กา มี ญิม เตา นอย ความ เจือ แอ จู ล็อง มี กา มี ญิม เตา นอย มด
Sanasan