โยนา แร็ง อ็อด ซีเละ นำ ก็ ไล เอาซาง คือเน “เอาซาง เฮย เอิญ ไล มัห แลว วาล ไอ ตัน เอิญ ทอก เจ็น เจิง ออ เอิญ ก็ ไล มัห แลว เค็ย มัห ไอ มี กิว ลงโทด อัห ตี เอิญ ซีรอก ปัด เริล เมือง ทาซิด เวิดๆ นัน ก็ ญอน เอิญ เม็จจึด มัห เป็น เอาซาง ตี เลาะ ตี ซอดแซ็ง มัห ตึ อัง ครำ มัห รัก ครำ มด จู ล็อง จู นัง ญอน มัห แอง เลาะ นัน มัห ก็ เปียน ใจ ออ มัห ก็ ไอ มี กิว มเบิล อัห เตาะ เอิญ กึด จังเน แลว เอิญ ก็ ลด ไอ มี ซีรอก เริล ไล อัห เตาะ
โรม 2:4 - Prai Bible4 จับ แอ กึด เค็ย เอาซาง ใจ ดัว ไอ มี กิว ลงโทด แอ กึด จังเน ไอ มี จบ แคระ เตาะ นำ กิว ลงโทด แอ ซีเละ นำ ใจ ดัว ก็ แมน นำ ใจ เลาะ ซอดแซ็ง ซิห แอ ก็ แมน แต ตี นำ ใจ ดัว มอก เน ก็ ระ แอ มี รวง เอิด ใจ แมะ เจือ นำ วัล ไอ แมน นำ บำ ปลอย ระ แอ แอง ลุห ติกๆ ดาย Faic an caibideil |
โรม 2:4
51 Iomraidhean Croise
บัห นอ เอาซาง นำ มี ปันญา เลาะ ซีเละ เน็ด ซีเละ นำ เม็จ มด จู มบลึ ไอ มี ซีเอ เตา อัง นำ เตาะ นำ มี ปันญา แอง ซีวะ ก็ เลาะ มด นำ แอง ซีวะ ก็ ไอ มี ซีเอ เคาใจ เลาะ แอ ที นเจ็น ที กึด มอก นเดย ก็ ไอ มี ซุด แอ เม็จ เตาะ ไอ มี ซีเอ จางรู เคาใจ เอาซาง กุญ มด จู มบลึ เตาะ เอาซาง เก็ง ซีเละ
ตี เอาซาง ระ เยซู โตะ ใน โลก เน ระ นำ เป็น เคือง ทวาย แก แอ็ม ตี ลุห แอ เลือง เอาซาง ลุหใจ เคิบ แอ เยซู ก็ แก แอ็ม มด แลว เอาซาง ก็ ลด ปอใจ เคิบ แอ วัล ญาม แอ เจือ เยซู ตัก เซีย เมียม เปิล แตน แอ นัน เอาซาง ก็ ลด ระ แอ เป็น ครำ เลาะ ครำ ซือ ซะไม ตัก อิง วาล ไอ ตัน เปิล เยซู เอาซาง ก็ ไอ มี จบ ลงโทด ครำ ตี เจือ ปัง นำ ญาม นัน อัห เป็น ครำ ลุห แต เอาซาง ไอ มี ลงโทด อัห นำ ซือซัด ดาย แกด ล็อง อัห กึด เค็ย เอาซาง ไอ มี ซือซัด ตี นำ ไอ มี กิว ลงโทด อัห แต เอาซาง ลงโทด ซิห เยซู ฮัก ตี เอาซาง ลงโทด เยซู แตน แอ นัน ก็ ระ แอ เม็จจึด เค็ย นำ กิว ซือซัด ซีเละ นำ แอง เลาะ แอง ซือ ตลอด นำ กิว ลงโทด ตี ลุห แอ แลว
กำนา แอ ก็ มอก ครำ เปิล แลว ญอน ลุห นัน แต เอาซาง ใจ ดัว ซิห แอ ซีเละ แอ เป็น ครำ ลุห ครำ บาบ ปานเดย ก็ ตึก นำ ก็ ควะ แอง เลาะ ซิห แอ นำ ตึ อัง แอ นำ รัก แอ ระ แอ รีด อุ เลิม เคิบ เยซู คริด นำ จวย แอ ปน เจ็น ลุห ก็ ญอน เยซู คริด ฮัก เอาซาง แอง เลาะ เคิบ แอ มอก เน ก็ เป็น เคิบ นำ รัก แอ ซีเละ
เอาซาง ระ แอ อุ ซะวัน เลิม เคิบ ออ ก็ เป็น ตัก นำ ใจ ดัว แอง เลาะ ซิห แอ ฮัก นำ ซีรอก แอง เลาะ เคิบ แอ ตลอด จำ นเดย จำ กวา นโดน ตี นำ แอง เลาะ ซิห แอ นัน ก็ เพือ ระ แอ เม็จจึด เค็ย นำ ฮัก แอง เลาะ ซิห แอ ดก เกิน ไอ มี ตึก ไอ มี เตา เตาะ ตี นำ แอง เลาะ ซิห แอ นัน ก็ ญอน แอ เป็น ครำ เยซู คริด นัน
แปลก ไบ นอ นำ แอง เลาะ เคิบ เอิญ มอก เน เพาะวา เอิญ เป็น ครำ แย็ด ทีซุด ใน ปึง ครำ เอาซาง ไอ มี ซมควน นำ ระ เอิญ จวย งาน ออ เตาะ แต นำ ก็ ซำ ระ เอิญ ไล คาว เลาะ คาว แลม เน อน ตัก ครำ กรอก ซอ ปัง วัล เป็น คาว เลาะ เลือง เยซู คริด แอง เลาะ เคิบ แอ นัน เป็น คาว เลาะ ทีซุด ตี แอ ไอ มี จางรู กึด เตาะ
เอาซาง วาง แพน แลว นำ ซีรอก ระ ครำ คอง ออ เม็จจึด แพนกาน คอง ออ เลาะ แพนกาน คอง นำ เลาะ ทีซุด มี เกียด ดก ทีซุด นำ ก็ ซีรอก ระ แอ เคาใจ เค็ย แพนกาน ตี เอาซาง งเกริม ระ อน นัน นำ ก็ ระ แอ เม็จ ไอ แมน นำ ระ ครำ ยิว มี กรอก เดียว กุญ เลาะ ดาย นำ ระ ตึง ครำ กรอก ซอ กุญ เลาะ เลิม มด แญง นังเลาะ ตี นำ ไล แอ เม็จ แมะ เน ก็ คือเน เป็น เยซู นัน ฮัก นำ อุ ใน นัง แอ ฮัก แอ ก็ ลด แก็นใจ กุญ เลาะ ตัก นำ กุญ ฮับ เกียด เลิม เคิบ นำ บัดนะ ตี แอ กุญ เลาะ ตี แอ กุญ เกียด นัน แอ กุญ ญอน เยซู คริด ฮัก
ตี เอิญ เอิด ใจ ซิห จวย อัห จู ล็อง เน ก็ เพาะวา เอิญ ซีรอก ระ อัห ซมบูน ระ อัห จู ล็อง เฮง มี กำลัง ใจ วัล เอิญ ซีรอก ระ อัห รัก นอย กุญ ใจ นอย เป็น ปึง เอิญ ซีรอก ระ อัห เฮง เคริบ เคาใจ เลาะๆ ลด เฮง แก็นใจ อุ วัล เจ็นนัน อัห ก็ ลด เม็จจึด เลือง เลาะ ตี เอาซาง งเกริม ระ อน เจ็น อิง นัน เลือง เลาะ นัน ก็ เป็น เลือง คอง เยซู คริด นัน
ญอน เอาซาง เลาะ มอก นัน มัห ก็ ต็อง ไล ครำ ฮัง อำ ทือ นัง ออ อำ เปิง เงิน เตาะ อำ กึด เค็ย มี เงิน แลว ซะบาย อุ มี เงิน แลว ไอ มี จำเป็น เปิง เอาซาง อำ กึด จังนัน เตาะ อำ เปิง ซะ ใน โลก เน ตี ไอ มี กุม อิง เตาะ แอ ต็อง เปิง เอาซาง ฮัก ซัง เลาะ แอ มี ซีวะ ใน โลก เน ก็ เป็น ตัก เอาซาง อน ตัก แอ ฮัก เป็น ตัก นำ ใจ ดัว ซิห แอ ฮัก นำ อน ตัก แอ ระ แอ เลาะใจ อุ แอ ต็อง เปิง นำ ฮัก ซัง เลาะ
ซีมาล ปึง นัน ก็ เป็น ซีมาล ครำ ตัก อิง ตี ไอ มี ปัง แญง เอาซาง ตัก ซะไม โนอา นัน ซะไม โนอา กำลัง แอง เฮือ นัน เอาซาง ก็ ใจ ดัว เพา ระ อัห เอิด ใจ แมะ อัห ก็ ไอ มี ปัง เอาซาง เตาะ ซุดทาย ก็ ต็อง เปิล มด มี แต แปด ล็อง เตานะ ตี กุด เฮือ นัน เอาซาง ก็ ระ อัห แปด ล็อง นัน ปน แอ็ม เจ็น นอก ทวม จ็อง นัน
เจ็นนัน ก็ ครอ ระ แอ เฮง แอง เลาะ ติกๆ ดาย ครอ ระ แอ เคาใจ เค็ย ตี เอาซาง ใจ ดัว ซอดแซ็ง ซิห แอ นัน ก็ เพาะวา นำ ซีรอก ระ แอ จู ล็อง มี รวง กุญ ปน แอ็ม เจ็น ลุห นัน ดาย ทาเน เลือง ตี เอาซาง ใจ ดัว ซอดแซ็ง ซิห แอ นัน เปือน แอ ตัก เปาโล ตี แอ รัก ดก นัน นำ ก็ เคียน ไล แอ มอก เน เมือนนอย นำ ก็ มี ปันญา ตี เอาซาง อน ตัก นำ ฮัก
มี ปัน ปี คอง แอ ก็ ไอ มี อิง ซำรับ เอาซาง เตาะ แต แกด ล็อง อัห เค็ย เยซู งกีจ็อง จา โตะ นอ นังเลาะ แลว นำ เพา ไอ มี อิง เตาะ นำ กิว โตะ มอก นำ ซันญา นัน ดาย แต นำ ใจ ดัว ซอดแซ็ง ซิห แอ เพาะวา นำ ไอ มี ซีรอก ทำลาย ซีเอ ซัก มี ล็อง เตาะ นำ ซีรอก ระ แอ มี รวง เอิด ใจ แมะ ระ แอ พระ แอ็ม ตี ลุห มด จู ล็อง
Sanasan