เจ็นนัน เยซู ก็ ไล อัห ตอ วัล “เอิญ ไล แป นังเลาะ นะ ดาย เปียะ ล็อง เน เอาซาง ไอ มี ทือ ลุห ครำ เก็บ พาซี ญาม นำ วัล เจิง ออ เอาซาง ก็ เค็ย นำ เลาะ อุ เคิบ เอาซาง แลว ไอ แมน ครำ ฟาริซี นัน เตาะ เอา นเดย ตัก อวด นัง ออ เอาซาง ก็ เค็ย ไอ มี เลาะ เตาะ แต เอา นเดย ตี ไอ มี อวด นัง ออ เอาซาง ก็ เค็ย เอา นัน เลาะ วัล” เยซู ไล อัห จังเน
โรม 2:13 - Prai Bible13 กัน แอ ปัง เอิด กด ลือๆ แต ไอ มี กิว แอง ตาม กด นัน ก็ ไอ มี จบ จวย ระ แอ เป็น ครำ เลาะ ครำ ซือ ตัก มัด เอาซาง เตาะ แอ ต็อง กิว แอง ตาม กด ไล อน ซัง เอาซาง เค็ย แอ เป็น ครำ เลาะ ครำ ซือ ฮัก Faic an caibideil |
โรม 2:13
29 Iomraidhean Croise
เจ็นเน ก็ อำ กึด เค็ย ครำ ยิว เคิบ ครำ กรอก ซอ ปน แอ็ม เจ็น ลุห มี ยาง มี ล็อง นังเลาะ นะ แอ มี เอาซาง เป็น งกี มี ล็อง เดียว เลิม นะ เอาซาง ญอม ฮับ แอ เป็น ครำ เลาะ ครำ ซือ ก็ มี มี รวง เดียว เลิม นะ แอ ต็อง เจือ เยซู ฮัก แอ เป็น ครำ ยิว ก็ เลาะ ครำ กรอก ซอ ก็ เลาะ มี มี รวง เดียว เลิม นะ ต็อง เจือ เยซู เมือนนอย
แต อา เน ก็ เม็จจึด เลาะ แลว เค็ย แอ กุญ อุ เลาะ เคิบ เอาซาง ก็ ญอน แอ เจือ เยซู คริด ฮัก ไอ แมน ญอน แอง เลาะ ตาม กด เตาะ ตึง ครำ ยิว ตึง ครำ กรอก ซอ ก็ เมือนนอย มด แอ จู ล็อง อุ เลาะ เคิบ เอาซาง กุญ ก็ ญอน เยซู คริด ฮัก เจ็นนัน แอ เน ก็ เจือ เยซู เพือ กุญ เลาะ อุ เคิบ เอาซาง นัน ไอ มี ซีเอ ซัก มี ล็อง ตี เลาะ อุ เคิบ เอาซาง ญอน แอง ตาม กด นัน ไอ มี เตาะ เลือง เน อา ก็ เม็จ เลาะ แลว นอ”
Sanasan