โรม 12:3 - Prai Bible3 ทาเน เอาซาง ก็ แอง เลาะ เคิบ เอิญ ระ เอิญ มี นาตี ฮับไจ ออ ฮัก นอ เอิญ ก็ ลด ฮาน ไล แป ตาม นาตี ออ นะ ครอ ไล แป ฮุนเน ดาย อำ แป กึด เค็ย นัง ออ เก็ง เกิน ความ ซามาด ตี เอาซาง ปัน อน ดาย แอ ต็อง เคาใจ เอาซาง กิว อน ความ ซามาด ตัก แอ มอก นเดย ญอน แอ เจือ นำ Faic an caibideil |
โรม 12:3
47 Iomraidhean Croise
ควน นไจ เฮย ซำรับ แป ตี เป็น ครำ กรอก ซอ อำ กึด เค็ย นัง ออ เก็ง อำ กึด เค็ย นัง ออ มี ปันญา ดก เกิน ดาย เอิญ ซีรอก ระ แป เคาใจ เลือง แมะ ตี เอาซาง ระ แอ เม็จ เน ครอ ระ แป เคาใจ เค็ย ครำ อิซราเอล เน อัห ไอ มี ลืน ดาน จำ นเดย จำ กวา เตาะ ดาย บัดนะ ญาม ครำ กรอก ซอ เจือ ครบ จำนวน ตี เอาซาง กำนด ระ อน แลว
เอิญ ไอ มี ซมควน เป็น ตัวแทน คอง เยซู ดาย แต เอาซาง แอง เลาะ ซิห เอิญ ฮัก ตี นำ เลือก เอิด เอิญ เป็น ตัวแทน คอง ออ นัน ก็ เป็น เคิบ นำ แอง เลาะ ซิห เอิญ ฮัก ตี นำ เลือก เอิด เอิญ เน ก็ ไอ แมน ไอ มี ปะโยด ดาย เป็น ปะโยด ดก อน นำ เอิญ แองกาน อน นำ ดก กวา ตัวแทน เยซู ล็อง ซอ วัล แต ตี เอิญ กุญ แองกาน อน นำ เน ก็ ไอ แมน นัง เอิญ แอง ฮัก ดาย เป็น เอาซาง ฮัก แอง ระ เอิญ เป็น ปะโยด อน ตัก นำ
แป ก็ เป็น มอก เจิง เอาซาง เอิญ ก็ เป็น มอก ซะลา แอง เจิง นัน เอิญ มี ความ ซามาด แอง เจิง เอาซาง ก็ เป็น ตัก เอาซาง อน ความ ซามาด นัน ตัก เอิญ ฮัก ทาเน เอิญ ก็ มอก พร็อห งกรัง ซิห เน็ล เลาะ แลว เจ็นนัน อัหซอ ก็ โตะ แอง ตอ วัล แต ครำ ตี แอง ตอ วัล นัน อัห ก็ ต็อง เจิม นัง ออ แอง เลาะๆ ต็อง แอง เลาะๆ
แป กึด จังนัก แป กึด เค็ย เอิญ แอง เลาะ เคิบ คริซจัก ซอ ดก กวา แป อัน ก็ ไอ แมน เตาะ มี มี มบลึ เดียว ตี เอิญ แอง เลาะ เคิบ อัห ดก กวา แป นัน ก็ ฮุนเน ดาย เอิญ ระ อัห เอิด ซีตัง จวย เอิญ แต เอิญ ไอ มี กุญ ระ แป จวย เอิญ เตาะ เอิญ ซีมา แป เตาะ ดาย เอิญ ครอ ซีมา แป ตี เอิญ แอง เคิบ แป ไอ มี นเดิง นอย นัน
ตี เอาซาง แอง เลาะ เคิบ แอ มอก นัน แลว นำ ก็ จวย แอ ฟึก แอ ระ แอ พระ แอ็ม นิไซ ไอ มี เลาะ ตี ไอ มี เมือน เอาซาง นัน นำ จวย ระ แอ พระ แอ็ม ซีลิด คอง ครำ ใน โลก เน ตัก ซะไม มานะ เน เอาซาง แอง เลาะ เคิบ แอ ตลอด นำ จวย ฟึก แอ แอง ระ แอ ควบคุม นัง ออ กุญ ระ แอ แอง เลาะ แอง ซือ มด จู มบลึ มอก นำ ฮัก
ใจ แอ ซีรอก แอง ลุห นอ แต เอาซาง เฮง แอง เลาะ ซิห แอ วัล นำ มี แร็ง ดก กวา ใจ เครม คอง แอ นำ มี แร็ง ดก กวา ซังคม มด ดาย นำ จวย แอ แอง เลาะ กุญ เจ็นนัน ก็ ต็อง กิว ญอม นัง ออ ตัก เอาซาง ซีเละ ดาย ตัก แญง เอาซาง ก็ ไล ฮุนเน “ครำ ตี กึด เค็ย นัง ออ เลาะ อุ แลว เอาซาง ก็ ซู เคิบ อัห แต ครำ ตี ญอม นัง ออ เอาซาง ก็ แอง เลาะ เคิบ อัห ฮัก” เอาซาง ซู เคิบ ครำ ตี อวด นัง ออ ดาย ซุพาซิด 3:34
แอ ตี มี ความ ซามาด ไล แญง เอาซาง อน ตัก อัห ก็ ครอ ระ แอ ไล แญง เอาซาง มอก เป็น เอาซาง จ็อก ออ ฮัก อีเอ มี ความ ซามาด จวย อัห นำ ก็ ต็อง เอิด ใจ ซิห จวย อัห ซีเละ นัน เอาซาง อน แร็ง มอก นเดย ก็ ต็อง แอง มอก นัน กัน แอ จวย นอย เลาะ มอก เอาซาง อน ความ ซามาด นัน เอาซาง ก็ ฮับ เกียด เลาะ นำ ฮับ เกียด ญอน เยซู คริด ฮัก ครอ ลือ เอาซาง ตี มี ริด มี แร็ง ตลอด จำ นเดย จำ กวา ดาย ซาทุ
ทาเน ซำรับ แป ตี ควะ นุม อุ ครอ ระ แป ปัง ปึง อัหแกะ ตี ซับรวง คริซจัก ดาย ต็อง กิว ญอม ปัง แญง อัห เลาะๆ ดาย อำ อวด นัง ออ เตาะ แต ครอ ระ แป ญอม แอ็ม ตัก นอย จวย นอย ฮัก เอาซาง เน นำ แอง เลาะ ซิห ครำ ตี ญอม ตัก นอย ดาย แต ครำ ตี อวด นัง ออ เอาซาง ไอ มี มัก เตาะ นำ ก็ เกิ๊ด รวง อัห ตอตาน อัห วัล ดาย
Sanasan