โรม 10:6 - Prai Bible6 แต แอ ตี กุญ อุ เลาะ เคิบ เอาซาง นัน แอ เจือ เยซู ฮัก ไอ มี ญาก มอก อัห กึด นอ ไอ มี จำเป็น กึด เค็ย ต็อง เริล และ เยซู คริด ตัก วาง ทึห ระ นำ โตะ เซ็บ เน ระ นำ เป็น ครำ มอก แอ เน ฮัก เพาะวา นำ โตะ เป็น ครำ มอก แอ เน แลว Faic an caibideil |
โรม 10:6
15 Iomraidhean Croise
ซะ ป็อง เอิญ เน ไอ มี เมือน ซะ ป็อง เอาจ็อง เมจ็อง แอ ตัก อิง เอาจ็อง แอ ตัก อิง นัน อัห ป็อง มานา ซีเละ แต อัห ก็ ควะ เปิล อุ แต เซ็จ เอิญ เน เป็น ซะ ป็อง เลาะ ตี จูล โตะ เจ็น ซะวัน ตัก ทึห อีเอ ป็อง ซะ ป็อง เน อัห ก็ รีด อุ ตลอด จำ นเดย จำ กวา ไอ มี เปิล เตาะ” เยซู มเบิด ไล อัห จังนะ
ตี เอาซาง ระ เยซู โตะ ใน โลก เน ระ นำ เป็น เคือง ทวาย แก แอ็ม ตี ลุห แอ เลือง เอาซาง ลุหใจ เคิบ แอ เยซู ก็ แก แอ็ม มด แลว เอาซาง ก็ ลด ปอใจ เคิบ แอ วัล ญาม แอ เจือ เยซู ตัก เซีย เมียม เปิล แตน แอ นัน เอาซาง ก็ ลด ระ แอ เป็น ครำ เลาะ ครำ ซือ ซะไม ตัก อิง วาล ไอ ตัน เปิล เยซู เอาซาง ก็ ไอ มี จบ ลงโทด ครำ ตี เจือ ปัง นำ ญาม นัน อัห เป็น ครำ ลุห แต เอาซาง ไอ มี ลงโทด อัห นำ ซือซัด ดาย แกด ล็อง อัห กึด เค็ย เอาซาง ไอ มี ซือซัด ตี นำ ไอ มี กิว ลงโทด อัห แต เอาซาง ลงโทด ซิห เยซู ฮัก ตี เอาซาง ลงโทด เยซู แตน แอ นัน ก็ ระ แอ เม็จจึด เค็ย นำ กิว ซือซัด ซีเละ นำ แอง เลาะ แอง ซือ ตลอด นำ กิว ลงโทด ตี ลุห แอ แลว
เอาซาง เค็ย อับราฮัม เป็น ครำ เลาะ ครำ ซือ ญอน นำ เจือ นอ เอาซาง ก็ ลด ซันญา เคิบ นำ ญอน นำ เจือ ฮัก เอาซาง ไล อับราฮัม ตึง ควัน นจะ ควัน ลาน นำ คือเน “บัดนะ เอิญ ระ แป ปกคอง โลก เน ดาย” เอาซาง อัง ตี เอาซาง ไล อับราฮัม จังนะ ก็ ไอ แมน เป็น ตัก นำ แอง เลาะ แอง ซือ ตาม กด โมเซด เตาะ แต เป็น ตัก เอาซาง เค็ย นำ เป็น ครำ เลาะ ครำ ซือ ญอน นำ เจือ เอาซาง ฮัก
กัน เอาซาง เม็จ เอิญ อุ เคิบ เยซู แลว นำ ก็ ดอม เอิญ เป็น ครำ เลาะ คอง ออ แลว ญอน เอิญ เจือ เยซู คริด นัน ไอ แมน ญอน เอิญ แอง เลาะ ตาม กด เอาซาง เตาะ แต เป็น เคิบ เอาซาง แอง ระ เอิญ เลาะ อุ เคิบ ออ ญอน เอิญ เจือ เยซู ฮัก เจ็นนัน เอิญ ก็ ลด ญอม พระ แอ็ม ซะ ตี เอิญ เกย ทือ นัน มด กด เอาซาง 12:3
ควัน เอาซาง ก็ เมือน เคิบ เอาซาง มด จู มบลึ นำ ทาง เลาะลัห มี เกียด ดก เตา เคิบ เอาซาง นำ มี นิไซ แอง จู มบลึ มอก เอาซาง ฮัก กัน แอ เม็จจึด เคิบ ควัน เอาซาง แอ ก็ เม็จจึด เคิบ เอาซาง แลว แอ เม็จ ควัน นำ เป็น จังนัก แอ ก็ เม็จ เอาซาง เป็น จังนัน ควัน เอาซาง ก็ มี แร็ง คอง เอาซาง มด แญง จ็อก คอง นำ ก็ ปิด ซีเละ จู มบลึ ตัก โลก เน จู มบลึ ตัก วาง ทึห ควะ เลาะ อุ ก็ ญอน แญง จ็อก คอง ควัน เอาซาง ตี มี แร็ง มี อำนาด รักซา เย็ห ระ อน ก็อง เย็ห ระ อน ฮัก ควัน เอาซาง ล็อง เน แก แอ็ม ตี ลุห แอ ระ แอ เลาะ อุ เคิบ เอาซาง วัล แลว นำ แก แอ็ม ตี ลุห แอ แลว นำ ก็ คุด อุ ตัก ตี เลาะ ตี มี เกียด นำ คุด เพียห เลาะ คอง เอาซาง ตี แกะ ทีซุด ฮัก ควัน เอาซาง เน นำ แกะ กวา ปึง ลาม เอาซาง ซีเละ
โนอา ก็ เจือ เอาซาง เอาซาง เพีย ไล นำ วาล เค็ย เอาซาง อง แอง ระ นอก ทวม โลก ตี เอาซาง อง แอง ระ นอก ทวม โลก นัน โนอา ไอ มี ตัน เม็จ เคิบ มัด ออ ตัน แต โนอา ก็ เจือ แญง เอาซาง นำ ก็ ลด แอง เฮือ จ็อง ระ ยัห เคิบ ควัน กุญ ปน แอ็ม เจ็น นอก ทวม นัน ตี โนอา เจือ เอาซาง ลด แอง เฮือ นัน นำ ก็ ไล ครำ ทัว โลก เค็ย อัห ลุห ซีเละ อัห ต็อง กุญ โทด ก็ ฮุนเน ดาย โนอา เจือ เอาซาง เอาซาง ก็ เค็ย นำ อุ เลาะ เคิบ ออ แลว ก็ ญอน นำ เจือ เอาซาง ฮัก เกาตีนา 6:13-22
Sanasan