โรม 10:2 - Prai Bible2 เอิญ ไล แป นังเลาะ นะ ครำ ยิว นัน อัห วาง เอิด ใจ ซิห แอง ตาม กด เอาซาง อัห ซีรอก อุ เลาะ เคิบ เอาซาง ซีเละ แต อัห ไอ มี เม็จ รวง แคระ เตาะ อัห เปิง นัง ออ ฮัก Faic an caibideil |
โรม 10:2
22 Iomraidhean Croise
ปึง ยิว นัน อัห ก็ นซาก งกรอ คือเน “ครำ อิซราเอล เฮย แอ จวย นอย โตะ เญ็บ ล็อง เน เนอ ล็อง เนๆ ตี กวา โละ ไล พซาซน ไอ มี เลาะ นัน นำ กวา โละ เซาะ ครำ ยิว แอ เน ทัว มด แลว นำ ก็ โป เค็ย กด เอาซาง ไอ มี เลาะ นำ ก็ กวา โละ ไล อัห เค็ย วิฮาน เน ไอ มี เลาะ มานะ เน นำ ก็ ซำ มพอล ครำ กรอก ซอ ตัก ไอ แมน ครำ ยิว กุด วิฮาน เอาซาง เน วัล นำ แอง ระ ตี ซักซิด คอง เอาซาง เน เซีย แอ็ม มด” อัห อัง
“เอิญ ก็ เป็น ครำ ยิว มอก แป เน ดาย ไอ แมน อัหซอ เตาะ เอิญ เกิด ตัก เมือง ทาซัด ตัก จังวัด ซีลีเซีย แต เอิญ โตะ อุ ตัก เมือง เยรูซาเล็ม เน แกะ นัง ตัก เน เอิญ ก็ นเจ็น นังซือ ตัก เน กด เครม ตี เอาจ็อง เมจ็อง แอ ทือ เจ็น ตัก อิง ตัก นา นัน เอิญ ก็ นเจ็น ตัก เมือง เนๆ เอิญ เม็จจึด กด เครม นัน มด จู มบลึ แลว อาจาน กามาลิเอล เป็น ครำ ไล อน ตัก เอิญ เอิญ ก็ ทือ เอาซาง เน็ด ซีเละ มอก แป จู งิ เน
เป็น ปรอง ซาตาน ตัก เป็น ฮัวนา โลก แพนซิก เน แอง ระ อัห ไอ มี เคาใจ ฮัก ครำ โลก เน อัห ทือ เย็ห เป็น งกี ออ นอ เย็ห ก็ แอง ระ อัห บอด มัด ฮัก อัห ดอม คาว เลาะ คอง เยซู ก็ ไอ มี ตาด เตาะ คาว เลาะ นัน ทาง มอก นเดย ก็ ตึก อัห ดอม ไอ มี ตาด เตาะ เลือง เยซู คริด มี เกียด ดก นัน เลือง ตี นำ เป็น มอก เอาซาง มด จู มบลึ นัน ปรอง ซาตาน ก็ ไอ มี ระ อัห เคาใจ เตาะ
เอาซาง นำ จ็อก เลือง นัง ออ คือเน “เอิญ เป็น ทาง ซะ เอิญ โตะ นโจง ตัก ตี ม็อญ ซะ ระ เป็น เล็ห ทาง ซะ วัล” เอาซาง อัง ทาเน แอ ก็ ลด เคาใจ เค็ย เป็น เอาซาง มี ล็อง เดียว นัน โตะ นโจง รวง แอ ระ ทาง เล็ห ซะ ตัก ใจ แอ นัน นำ ก็ ระ แอ เคาใจ เค็ย เอาซาง มี เกียด ดก ซีเละ แอ เม็จ เกียด เอาซาง นัน แอ ก็ เม็จ ตัก เยซู คริด นัน ฮัก
Sanasan