โรม 1:8 - Prai Bible8 วาล เอิญ จ็อก ซะ ซอ เคิบ แป เอิญ ก็ คอบคุน เอาซาง ญอน เยซู คริด ตี แป เจือ นำ นัน ครำ ทัว โลก ก็ เลอะ เม็จ คาว แป เจือ นำ มด เอิญ ก็ คอบคุน เอาซาง ซีเละ Faic an caibideil |
โรม 1:8
25 Iomraidhean Croise
ตัก ปึง ลาม นัน ก็ มี ลาม มี ล็อง ซือ ตัก อากาบัด ซีมาล เอาซาง ก็ อน กำกึด ตัก นำ นำ ร็อห ญ็อง ไล อัห คือเน “เจ็นเน นโดน ก็ แร็ง เกิ๊ด ซีอ็อจ ทัว มด ดาย” นำ อัง ตัวแทน 21:10 ทาเน ญาม ครำ ตี เจือ เยซู เม็จ เลือง นัน แลว อัห ก็ ตกลง นอย จวย ควน นไจ ตัก จังวัด ยูเดีย ซีเอ มี มอก นเดย ก็ อน มอก นัน แลว แต ความ ซามาด เอา นเดย เอา นัน ฮัก เจ็นนัน อัห ก็ เอิด เงิน นัน มอบ อน ตัก บานาบัด เคิบ เซาโล ระ ปาม ซับ ซง อน ตัก ปึง อัหแกะ ตี ซับรวง คริซจัก ตัก เมือง เยรูซาเล็ม เลือง เน กิว เกิด เล็ห ญาม คาวดีอัด เป็น พะเจายูฮัว โรม นัน
แต ซำรับ ครำ อิซราเอล นัน มี ครำ เริล ไล อัห เลือง เยซู แลว แต ไล อัห จังนัก ก็ ไอ มี ปอ มี ครำ เจือ เตาะ ตัก นังซือ เอาซาง ก็ ไล แลว จังเน “คาว เลาะ นัน ก็ มี ครำ เริล ไล อน ตัก อัห ทัว โลก แพนซิก เน มด แลว” นังซือ เอาซาง อัง เพลง เอาซาง 19:4 ครำ อิซราเอล เน อัห เม็จ คาว เลาะ นัน มด แลว แต อัห ไอ มี ญอม เจือ เตาะ
แต มี ซีวะ เกิด เล็ห เอิญ ก็ คอบคุน เอาซาง ซีเละ ตี เอาซาง ซับรวง แอ ระ แอ ซะนะ ตลอด แอ ซะนะ กุญ ก็ ญอน แอ อุ เลิม เคิบ เยซู คริด ฮัก นำ ระ แอ เน ไล เลือง นำ อน ตัก อัหซอ ทัว มด จู ตี ตี เอาซาง ระ แอ ไล เลือง นำ อน ตัก อัหซอ ปัง นัน มเบิด แอ ก็ มอก เป็น ยา ซียุม งกอด ก็ แปร เริล ทัว มด นัน
อิห ครอ วอน เอาซาง ตี เป็น เอา คอง แอ จู ล็อง จู นัง อิห ครอ วอน เอาซาง เพือ แป ลบ นเดย อิห ก็ คอบคุน นำ จู ลบ อิห คอบคุน เอาซาง ซีเละ ตี แป ดุ แองกาน อน เอาซาง ก็ ญอน แป แก็นใจ เจือ เยซู ตี แป ดุ แองกาน จวย นอย เลาะ ก็ ญอน แป รัก นอย นัน ตี แป ซอดแซ็ง เจือ เค็ย เยซู คริด กิว โตะ และ แอ บัดนะ วัล อิห ก็ คอบคุน นำ ซีเละ ดาย
ทาเน อิห ก็ คอบคุน เอาซาง ตลอด ตี แป ปัง แญง อิห ไล แป กำนา นัน กำนา ญาม อิห โตะ ไล คาว เลาะ คอง เอาซาง อน ตัก แป นัน แป ก็ ปัง เลาะ ลด เจือ ตี แป เจือ นัน แป ก็ ไอ มี ทือ เป็น แญง จ็อก ครำ มาลือ เตาะ แป ทือ เป็น แญง เอาซาง แตๆ ฮัก ก็ นังเลาะ นะ ก็ เป็น แญง เอาซาง ฮัก นอ มานะ เน แญง เอาซาง นัน ก็ ควะ จวย แป ควะ เป็น ปะโยด อน ตัก แป ตี เจือ เตา มานะ เน อิห ก็ คอบคุน เอาซาง ซีเละ ดาย
ทิโมที เฮย เอิญ คอบคุน เอาซาง เลือง มัห ซีเละ ดาย เอิญ คอบคุน เอาซาง ตี เอิญ ฮับไจ นัน มอก เอาจ็อง เมจ็อง แอ ตัก อิง ฮับไจ นำ นัน เอิญ ก็ ฮับไจ นำ เลาะ เอิญ ไอ มี กึด เค็ย นัง ออ ลุห เคิบ นำ เตาะ เอิญ ครอ วอน เอาซาง เพือ มัห ตึง งิ ตึง แจ็ล เอิญ ครอ วอน เพือ มัห ตลอด เอิญ แร็ง งอม อัง มัห ซีรอก เม็จ มัด มัห ซีเละ กำนา ญาม เอิญ พระ มัห นัน มัห ก็ เญ็ม เซียใจ ซีเละ นอ เอิญ ก็ ควะ จำ เลือง นัน อุ กัน แอ กุญ เม็จ มัด นอย อุ เลิม เคิบ นอย วัล เอิญ ก็ เลาะใจ ซีเละ ดาย มัห เจือ เอาซาง เลาะ ซีเละ ดาย เลือง เน เอิญ ก็ เม็จ เลาะ นอ มัห แก็นใจ เจือ เยซู มอก เมจ็อง คอง มัห ตัก โลอิด เคิบ เม คอง มัห ตัก ยูนิด นัน เอิญ คอบคุน เอาซาง เลือง มัห ซีเละ ดาย
แป ก็ เมือนนอย แป ก็ รีด อุ จำ นเดย จำ กวา แป ก็ มอก เกียง ตี เอาซาง เอิด แอง เป็น วิฮาน นัน เอาซาง ระ แป เป็น ตี อุ คอง ซีมาล นำ ฮัก แป ก็ มอก มอ เอาซาง ตัก แองกาน อน เอาซาง ตัก วิฮาน นัน ซะ ตี แป ทวาย ญอน ซีมาล เอาซาง ซับรวง นัน เอาซาง ก็ ปอใจ อัง ซีเละ นำ ปอใจ ก็ ญอน เยซู คริด นัน ฮัก
แอ ตี มี ความ ซามาด ไล แญง เอาซาง อน ตัก อัห ก็ ครอ ระ แอ ไล แญง เอาซาง มอก เป็น เอาซาง จ็อก ออ ฮัก อีเอ มี ความ ซามาด จวย อัห นำ ก็ ต็อง เอิด ใจ ซิห จวย อัห ซีเละ นัน เอาซาง อน แร็ง มอก นเดย ก็ ต็อง แอง มอก นัน กัน แอ จวย นอย เลาะ มอก เอาซาง อน ความ ซามาด นัน เอาซาง ก็ ฮับ เกียด เลาะ นำ ฮับ เกียด ญอน เยซู คริด ฮัก ครอ ลือ เอาซาง ตี มี ริด มี แร็ง ตลอด จำ นเดย จำ กวา ดาย ซาทุ
Sanasan