โรม 1:12 - Prai Bible12 ก็ ฮุนเน ดาย ซีมาล เอาซาง ไล ซีวะ อน ตัก เอิญ เอิญ ก็ ซีรอก ไล อน ตัก แป วัล ระ แป เฮง แก็นใจ เจือ เอาซาง วัล เอิญ ก็ ซีรอก ระ แป จวย ไล อน ตัก เอิญ เมือนนอย ระ เอิญ เฮง แก็นใจ เจือ เอาซาง กัน แอ จวย นอย อน กำลัง ใจ ตัก นอย ฮุนเน ก็ เลาะ ซีเละ ดาย Faic an caibideil |
ก็ ซีเละ นะ ญาม ทีตัด โตะ แอว อิห แลว นัน อิห ก็ มี กำลัง ใจ ซีเละ อิห เม็จ คาว เค็ย แป แอง ระ ทีตัด เลาะใจ ซึลใจ ซีเละ ญาม ทีตัด โตะ และ อิห แลว นำ ก็ ไล อน ตัก อิห เค็ย แป ปัง แญง อิห เลาะ แป ก็ แอง ระ ทีตัด เลาะใจ ซีเละ ทีตัด ไล อิห แลว อิห ก็ ญ็อก เลาะใจ ซึลใจ เลิม เคิบ นำ ซีเละ
เอิญ ซีโมน เปโตร เอิญ เป็น ลูกนอง เยซู คริด เอิญ ก็ เป็น ตัวแทน เยซู นัน ฮัก จดมาย เน เอิญ เคียน อน ตัก แป ตี เจือ เยซู คริด เลิม มอก อิห เน เอิญ เคียน อน ตัก แป ตี เจือ เยซู คริด ตี เป็น เอาซาง ตี เป็น งกีจ็อง คอง แอ นัน แป เจือ เยซู ตี แอง เลาะ แอง ซือ ตลอด แป เจือ เยซู ตี จวย แอ ปน แอ็ม เจ็น ลุห นัน ตี แป เจือ เยซู นัน ตี อิห เจือ เยซู เน ก็ มี กา มี ญิม เตา นอย ความ เจือ แอ จู ล็อง มี กา มี ญิม เตา นอย มด
ควน นไจ เฮย ตี นา นัน เอิญ กึด ซีรอก เคียน จดมาย ไล แป เลือง ตี แอ ปน แอ็ม เจ็น ลุห ตี แอ เจือ เลิม นัน เอิญ กึด ซีรอก เคียน เลือง นัน อน ตัก แป วาล แต เอิญ จำเป็น ต็อง เคียน จดมาย ดวน อน แป มี ยาง วัล เอิญ เคียน ไล แป เจิม นัง ออ ตัก ครำ ตี ซอน ไอ มี เลาะ ไอ มี แคระ นัน เอิญ เคียน จดมาย เน ก็ เพือ ระ แป ซู แป ต็อง ซู ระ คริซจัก แก็นใจ เจือ เยซู เลาะๆ แคระๆ ฮัก คาว เลาะ คาว แลม ตี เอาซาง มอบ อน ตัก ครำ คอง ออ นัน นำ อน อัห มี ลบ เดียว นัน ก็ กุม ตลอด ครอ ระ แป ซู ติกๆ ระ ครำ เยซู กิว เคาใจ เลาะๆ แคระๆ ฮัก