เยซู โตะ 8:5 - Prai Bible

⁵ เจ็นนัน เทวาดา ก็ เอิด งอง โอด ตัก ตี ทวาย ซะ นัน ‍ ซิห ตัก ซีลุง ปุด ปิ ‍ เจ็นนัน นำ ก็ ทุก แอ็ม ตัก โลก แพนซิก นเซ็บ วัล ‍ แลว นำ ทุก แอ็ม แลว ‍ จือ เตาะ พาแม็บ พารัล ‍ งกราด งกริม ‍ โกระ เคิร รึงๆๆ ‍ ซิก ก็ นโจ็ห แร็ง ซีเละ

เยซู โตะ 8:5 Iomraidhean Croise

อิซราเอล ญาย 19:16

ตัก งกร็อห งิ ที ซาม นัน ‍ อัห ก็ เม็จ โกระ เคิร ‍ โกระ งกราด ‍ มี บด ม็อญ ญึด ตัก ญวัง นัน ‍ แลว ก็ เล็ห นเซิง แตร แร็ง ซีเละ ‍ ครำ อิซราเอล ตัก อุ ใน คาย นัน ‍ อัห ก็ แร็ง นเจิก ซีเละ ‍ อัห เลอะ นโจ็ห มด ตึง นัง ‍

มัดทิว 24:7

ดก ปะเทด อัห ฮบ นอย ก็ มี ‍ ดก พะเจายูฮัว ฮบ นอย ก็ มี ‍ เกิ๊ด จะ เกิ๊ด ซีอ็อจ ก็ มี ‍ ซิก นโจ็ห ตัก นัน ตัก เน ก็ มี มด ‍

ลูกา 12:49

เยซู ก็ ไล ลูกนอง ออ คือเน วัล “เอิญ ครอ จ็อก แญง มเบิด เคิบ แป ดาย ‍ ญาม เอิญ โตะ ตัก โลก เน ‍ ก็ มอก เอิญ โตะ งคุม โอด จ็อง ตัก โลก เน ระ กรึห ทัว โลก แพนซิก แพนแท เน มด ‍ ครอ ระ กรึห เวิดๆ เน ‍

ตัวแทน 16:26

ซิก ก็ นโจ็ห แร็ง ซีเละ ‍ ลุก ก็ นดิ มด ตึง ลัง ‍ ปะตู ลุก ก็ เลอะ พลาง ออ ฮัก มด จู ตี จู อัน ‍ กุนแจ ก็ ฮัก มพุด แอ็ม มด ‍

ตัวแทน 4:31

แลว อัห ครอ เคิบ เอาซาง แลว ‍ เคิง ตี อัห รอม นอย อุ นัน ก็ เลอะ นโจ็ห มด ‍ เจ็นนะ อัห ก็ เลอะ มี ซีมาล เอาซาง อุ เลิม เคิบ ออ มด จู ล็อง จู นัง ‍ อัห ก็ ฮาน ไล แญง เอาซาง อน อัหซอ ปัง วัล

เยซู โตะ 11:13

ญาม อัห เงอ ดอม ปาม ปน ก็อห นทึห นัน ‍ แพนซิก ก็ แร็ง นโจ็ห ซีเละ ‍ เมือง เยรูซาเล็ม นัน ก็ เกลิน แอ็ม ซิบ เปอเซ็น ‍ มี ครำ เปิล เจ็ด พัน ล็อง ‍ ญอน ซิก นโจ็ห นัน ‍ ครำ ตัก ควะ รีด อุ อัห ก็ แร็ง นเจิก ซีเละ ‍ อัห ก็ เลอะ ซับรวง นอย อน เกียด ตัก เอาซาง ตัก เป็น งกี วาง งกี ซิก นัน

เยซู โตะ 11:19

เจ็นนัน เอิญ ก็ เม็จ วิฮาน เอาซาง ตัก วาง ทึห ‍ ปะตู วิฮาน นัน ก็ พลาง ซิห ‍ ฮีบ ตัก มี แญง ซันญา คอง เอาซาง ‍ ตัก อุ ควังใน วิฮาน นัน ‍ เอิญ ก็ เม็จ มด ‍ เจ็นนัน ก็ พุก ทาง พาแม็บ พารัล ตัก โลก เน ‍ แร็ง งกราด แร็ง งกริม แร็ง โกระ เคิร ซีเละ ‍ ซิก ก็ นโจ็ห แร็ง ซีเละ ‍ แร็ง ดก คลิห แพล ตัก ซิก นเซ็บ วัล

เยซู โตะ 4:5

ทาเน เอิญ ก็ เม็จ งกราด ทอก โตะ เจ็น ตี คุด ครึ ตัก อุ เคิง ล็อง นัน ‍ มี งกราด มี โกระ เคิร แร็ง ซีเละ ‍ เจ็นนัน วัล ‍ เอิญ ก็ เม็จ ตะเกียง เจ็ด และ ‍ ตะเกียง เจ็ด และ นะ กรึห อุ ลัห มัด ตี คุด ครึ นัน ‍ ตะเกียง เจ็ด และ นัน ‍ ก็ ซีแล็ม เค็ย ซีมาล เอาซาง เจ็ด ซีมาล นัน ‍

เยซู โตะ 6:12

เจ็นนัน วัล ‍ เอิญ ก็ เม็จ ควัน แกะ อีด ตรา อัน ที ฮก วัล ‍ ท็อบ นำ อีด ตรา อัน ที ฮก นะ ‍ เอิญ ก็ เม็จ แพนซิก นเซ็บ เลอะ นโจ็ห มด ‍ ซิก แร็ง นโจ็ห ซีเละ ‍ งิ ก็ ลิบ ม็อญ แอ็ม ‍ ม็อญ ญึด มอก อัห เอิด พา ญำๆ ปุก ระ งิ นัน ‍ ซวัะ ก็ โซ ปึล มอก เมียม ‍

เยซู โตะ 8:3

ทาเน ก็ โตะ เทวาดา มี ล็อง วัล ‍ นำ ก็อง ซีลุง ทองคำ โตะ ‍ เป็น ซีลุง ซิห งอง โอด ตี อัห ม็อด เคิม ยา ซียุม ‍ นำ ก็อง ซีลุง โตะ ญ็อง อุ เคิง ตี ทวาย ซะ นัน ‍ ตี ทวาย ซะ นะ ก็ เลอะ เป็น ทองคำ มด ‍ อี อุ ลัห มัด ตี คุด ครึ นัน ‍ แลว เทวาดา ก็อง ซีลุง โตะ ญ็อง อุ ตัก นัน แลว ‍ เจ็นนัน อัห ก็ อน ยา ซียุม ตัก เทวาดา ล็อง นะ ‍ ดก ซีเละ ‍ ระ นำ เคิม ทวาย อน ตัก เอาซาง ‍ เจ็นนัน เทวาดา ล็อง นัน ก็ เคิม ‍ นเทาะ ก็ ก็อห โตะ และ เอาซาง ตัก วาง นทึห ทาเน ก็ ดก ควะ ครำ เอาซาง อุ ตัก โลก แพนซิก นเซ็บ ‍ อัห ก็ ครอ วอน เอาซาง ‍ แญง ตี อัห ครอ วอน เอาซาง นัน ‍ ก็ ก็อห โตะ และ เอาซาง ตัก วาง ทึห ‍ แญง ตี อัห ครอ วอน เอาซาง เคิบ นเทาะ ยา ซียุม ตี เทวาดา เคิม นัน ‍ ก็ ซุน นอย เลิม ‍ ตึง นเทาะ ตึง แญง ตี อัห ครอ วอน นัน ‍ ก็ ก็อห โตะ และ เอาซาง ตัก วาง นทึห นัน เลิม นอย