เยซู โตะ 7:13 - Prai Bible13 เจ็นนัน ก็ มี มี ล็อง ตัก ปึง พูนำ ซาวซี ล็อง นัน ล็อง นะ นำ ก็ โตะ ซ็วน เอิญ คือเน “ปึง ครำ ดก ล็อง ตัก ญ็อง อุ นัน ตัก เลอะ จึห โกบ นซุบ พัห นัน ปึง นัน อัห เป็น ซีเอ บ็อห อัห โตะ เจ็น นเดย บ็อห” พูนำ ล็อง นะ ซ็วน เอิญ คือนะ Faic an caibideil |
เยซู โตะ 7:13
11 Iomraidhean Croise
ตี ปึง พซาซน จ็อก เคิบ นอย มอก นัน เยซู ก็ เม็จ มด ญาม นัน เยซู อุ ตัก วิฮาน เอาซาง นัน ไล อัห นำ ก็ ไล อัห คือเน “แป เม็จจึด เคิบ เอิญ นังเลาะ เอิญ เล็ห เจ็น นเดย แป ก็ เม็จ มด แต แป ไอ มี เม็จจึด เอา นัน ตี ไล เอิญ โตะ ตัก โลก เน ตี เอิญ โตะ และ แป เน ก็ ไอ แมน เอิญ โตะ ตาม กำกึด ออ ฮัก ดาย เป็น กำกึด เอา นัน ตี ไล เอิญ โตะ ฮัก เอา นัน ก็ ซือซัด ซีเละ แต แป เน ไอ มี เม็จจึด เคิบ นำ เตาะ
ตัก เปล ตี คุด ครึๆ นะ ก็ มี ตี คุด วัล ซาวซี ตี ตี คุด ซาวซี ตี นะ ก็ ครึ เมือนนอย ตี คุด ซาวซี ตี นัน ก็ เลอะ แกวด ตี คุด ครึ ตัก อุ เคิง ล็อง นัน ทาเน ตัก ตี คุด ซาวซี ตี นัน ก็ มี พูนำ ซาวซี ล็อง ปึง พูนำ ซาวซี ล็อง นะ แตง ตัว ยาง ครึ อัห เลอะ จึห โกบ พัห มด อัห ก็ เลอะ มี มงกุด ซุก ตัก กึ ออ มด จู ล็อง
ทาเน ตัก ปึง พูนำ ซาวซี ล็อง นัน ก็ มี มี ล็อง นำ ออย เอิญ นำ ไล เอิญ คือเน “อำ เญ็ม เตาะ ควน มี มี ล็อง นะ อีด ครึจ ตี อัห ปำ ตรา นัน กุญ นำ เปิด ดอม นังซือ นัน กุญ ล็อง นะ อัห แทก นำ ตัก ซิงโต กรอก ยูดา ล็อง นะ นำ เป็น ควัน งา ดาวิด ล็อง นะ นำ เกย ซะนะ อัง ลุห แลว นำ เกย ซะนะ อัง เปิล แลว นำ ก็ ลด เปิด ดอม นังซือ มวน นัน กุญ” พูนำ ล็อง นะ ไล เอิญ จังนะ
เจ็นนัน วัล เอิญ ก็ เม็จ ครำ ดก ล็อง ญ็อง อุ นัน ดก ซีเละ อัห ญ็อง อุ ลัห มัด ตี คุด ครึ นัน ครำ ปึง จ็อง นัน ก็ มี ครำ จู กรอก จู พาซา จู ปะเทด ทัว โลก แพนซิก เน อัห เลอะ ญ็อง อุ ตัก นัน มด ดก ซีเละ นับ ไอ มี แป เตาะ อัห ก็ เลอะ จึห โกบ นซุบ พัห ซัล มด จู ล็อง อัห ก็อง งกอง นทู อินทาพำ อัห ญ็อง อุ ลัห มัด ตี คุด ครึ เคิบ ลัห มัด ควัน แกะ นัน
Sanasan