เจ็นนัน นเซิง นะ ก็ ไล เอิญ คือเน “มัห ต็อง เคียน ซะ จู มบลึ ตี มัห เม็จ เน มัห เคียน ระ ตัก นังซือ ดาย เจ็นนัน มัห ก็ อน นังซือ นัน ตัก คริซจัก เจ็ด ตี มัห อน ตัก คริซจัก เมือง เอเฟซัด เมือง ซะเมอนา เมือง เปอกามำ เมือง ทิยาทิรา เมือง ซาดิด เมือง ฟีลาเดลเฟีย เคิบ เมือง เลาดีเซีย ดาย” นเซิง นะ อัง
เยซู โตะ 22:7 - Prai Bible7 ทาเน เยซู ก็ ไล คือเน “ปัง เอิด เลาะๆ เนอ ไอ มี ปอ อิง เอิญ ก็ โตะ เอิญ โตะ เวิดๆ เน จู ล็อง ตี เจือ ปัง แญง เน ตี แอง ฮุน เอาซาง ไล อน ตัก นังซือ มวน เน อัห ก็ กุญ อุ เลาะ อุ ซุก” เยซู อัง Faic an caibideil |
เยซู โตะ 22:7
12 Iomraidhean Croise
เลือง ตี เอิญ เคียน ระ อน ตัก นังซือ เล็ม เน ก็ บัก และ เกิด เล็ห แลว ดาย นะ ดาย แป ตี อาน นังซือ เล็ม เน อน ตัก คริซจัก ปัง แป ก็ กุญ อุ เลาะ อุ ซุก ดาย อัห ตี ปัง แป อาน นังซือ เน แลว อัห ลด แอง ฮุน นังซือ เน ไล อน อัห ก็ กุญ อุ เลาะ อุ ซุก เมือนนอย เพาะวา เลือง เน บัก และ เกิด เล็ห ซีเละ
ทาเน ญาม ปรอง แพะ นัง นัน กวา โละ มพอล เอิด ปึง พะเจายูฮัว นัน งกีจ็อง ก็ ไล ครำ ทัว โลก คือเน “แป ปัง นึง เลาะๆ เนอ ญาม เอิญ โตะ และ แป เอิญ ก็ ลอด โตะ ไอ มี ซีเอ กึด เค็ย เอิญ โตะ ญาม นัน เอิญ ลอด โตะ มอก ครำ จาง ลอด ครำ ตี ปัง นึง ปัง นาง อุ อัห ก็ เตียม คัว ออ ระ อน ระ มี คัว แซ็ด ระ ไอ มี กราญ มัด มอก อัหซอ ตี ไอ มี คัว แซ็ด ญาม เอิญ โตะ นัน” งกีจ็อง ไล คือนะ
เอิญ เน เป็น ยอน ดาย เอิญ ไล แป นังเลาะ นะ ซะ จู มบลึ ตี เอิญ เพีย ไล อน ตัก นังซือ เน ซีเอ ตี เม็จ แลว กัน อัห จบ ดอก เอิด แญง ซอ เพิม ซิห ตัก นังซือ เน เอาซาง ก็ เพิม ซิห ซะ ราย ตัก อัห วัล ซะ ราย ตี เอาซาง ไล นัน เอิญ ก็ เพีย เคียน ระ ตัก นังซือ เน แลว เอาซาง ก็ เพิม ซิห ตัก อัห วัล
ไอ มี อิง เอิญ ก็ โตะ ดาย ซะ ตี แป กิว แก็นใจ เจือ เลาะ อุ แลว ก็ ครอ ระ แป เฮง แก็นใจ เจือ ติกๆ นทึห วัล ซะ ตี แป แอง เลาะ อุ แลว ก็ ครอ ระ แป เฮง แอง เลาะ ติกๆ วัล ครอ ระ แป เฮง แก็นใจ เจือ ซะ ตี แป เจือ อุ แลว ซัง แป กุญ รางวัน ตัก เอิญ แป ต็อง แก็นใจ เจือ ซัง ไอ มี ซีเอ ลู เอิด รางวัน คอง แป
เจ็นเน ก็ ครอ ระ แป แก็นใจ เจือ เอิญ มอก แป ล็อน เจือ ตัก อิง นัน ตี แป ปัง ตี แป เจือ ตัก อิง นัน ก็ แคระ อุ แลว ครอ ระ แป เอิด ใจ แมะ ลด แก็นใจ เจือ เอิญ มอก ตัก อิง นัน กัน แป ไอ มี กิว เปียน ใจ ออ เจือ เอิญ มอก เครม วัล เอิญ ก็ โตะ ลงโทด แป ดาย เอิญ โตะ มอก ครำ จาง ลอด เอิญ โตะ ญาม นเดย แป ก็ ไอ มี เม็จจึด เตาะ
Sanasan