“เจ็นเน ก็ อำ นเจิก อัง อัห เตาะ อัห คู แป อัห พอง แป อัห มเบิล แป บัดนะ แป ก็ อำ นเจิก อัง อัห เตาะ อัห มเบิล แอ็ม นัง แป กุญ แต อัห มเบิล ซีมาล แป ไอ มี กุญ เตาะ แป ต็อง นเจิก อัง เอาซาง ฮัก ซัง เลาะ เอาซาง นำ มเบิล ตึง นัง ตึง ซีมาล กุญ มด นำ เอิด ซีมาล แป กวาง ซิห ตัก งกุก โอด ก็ กุญ เจ็นนัน แป ก็ อำ นเจิก อัง ครำ เตาะ ดาย
เยซู โตะ 21:8 - Prai Bible8 แต ซำรับ ครำ ตี เม็จ แญง เอิญ แลว แต อัห ควะ นเจิก ไอ มี ฮาน เจือ เอิญ อัห ก็ กุญ อุ ตี งกุก โอด ครำ ตี ไอ มี เจือ เคิบ ครำ ตี แอง ไอ มี เลาะ ครำ ตี มเบิล อัห ครำ ตี ปิล จู ครำ ตี เอิด อัหคล็อง เคิบ อัหคล็อง เอิด อัหเม เคิบ อัหเม ครำ ตี มี ครู มี คาทา ครำ ตี ไว ฮูบ ไว พะ ครำ คีอู คีลม ครำ ปึง เน อัห กุญ อุ ตัก งกุก โอด ตัก มี มาด มี โอด ลน อุ วืลๆ นัน อัห อุ ตัก งกุก โอด นัน ก็ เป็น อัห เปิล เปียะ ลบ ตึง เน” นำ อัง Faic an caibideil |
เยซู โตะ 21:8
39 Iomraidhean Croise
ตี แป ไอ มี ญอม ปัง แญง เอิญ เน ก็ ญอน แป เป็น ควัน ปรอง ซาตาน ฮัก แป ก็ แอง มอก เย็ห นัน ฮัก เจ็น ตัก อิง เย็ห ซอบ มเบิล ครำ ตลอด เย็ห ไอ มี เกย จ็อก เลาะ จ็อก ซือ เย็ห มัก จุ ครำ ตลอด เย็ห คีจุ คีวอก เจ็น ตี นา แลว เย็ห เซ็ห อัง แญง นังเลาะ ตลอด เย็ห ก็ เกิ๊ด รวง แญง นังเลาะ ตลอด แญง คีจุ คีวอก มด จู มบลึ นัน ก็ เกิด เล็ห เจ็น เย็ห นัน ฮัก แป ก็ แอง มอก เย็ห นัน
แป ก็ โตะ และ เยซู แลว แป และ เยซู ตี เป็น เอา มอ ตี รักซา แญง ซันญา แมะ คอง เอาซาง นัน แป ก็ โตะ เอิด เมียม เยซู นัน เป็น ตี เปิง คอง ออ เมียม เยซู นัน ไล แอ เค็ย เอาซาง ญ็อก แอ็ม ตี ลุห แอ มด เมียม เยซู นัน เลาะ กวา เมียม อาเบล เมียม อาเบล นัน ไล แอ เค็ย เอาซาง ต็อง ตอบติก ฮัก แอ โตะ และ เยซู ก็ เลาะ อุ แลว เกาตีนา 4:10
อัห ฮบ เคิบ นำ แต จู ล็อง ตัก อุ เพียห ซัด ราย นัน อัห ก็ กาน อัง ล็อง ตี ต็อก มา พัห นัน มด แลว อัห กาน อัง ล็อง ตี ต็อก มา พัห นัน แลว เจ็นนัน ล็อง ตี ต็อก มา พัห นัน ก็ เญ็บ ซัด ราย เคิบ ลาม คีอู นัน กวาง แอ็ม นัง รีด ปาม ตัก งกุก โอด ตี มี มาด มี โอด กรึห อุ นัน ลาม คีจุ นัน เกย แอง ซะ แปลก จุ พซาซน ดก ล็อง ระ อัห เจือ ซัด ราย นัน แต นำ จุ จุม ครำ ตี ทือ ฮูบ ซัด ราย นำ จุ จุม ครำ ตี มาย นัง ออ เป็น ครำ คอง ซัด ราย นัน แต ซุดทาย นำ ต็อง คลิห อุ ตัก งกุก โอด ฮัก
ซีเอ มี นโทล ก็ ปัง เอิด เลาะๆ เนอ ครอ ระ แป เอิด ใจ ซิห แญง ตี ซีมาล เอาซาง ไล อน ตัก ปึง คริซจัก ฮัก ดาย กัน ซีเอ ซะนะ อัง ซะ ไอ มี เลาะ จู มบลึ นัน อัห ก็ ไอ มี จบ เปิล ลบ ที ซอง วัล เตาะ บัดนะ ญาม ครำ ทัว โลก ต็อง เปิล ลบ ที ซอง นัน แป ก็ ไอ มี จบ เปิล เลิม เคิบ อัห เตาะ” นำ อัง จดมาย ตี นำ ไล เคียน อน ตัก คริซจัก ซะเมอนา ก็ มี มอก นะ
เอิญ ก็ ไล แป คือเน แป แอง ซีวะ เอิญ ก็ เม็จ มด แป ดุ แองกาน เอิญ ก็ เม็จ แป ญอม ลำบาก แป ญอม อด ตุก อด ญาก ญอน อัห คมเฮง แป นัน เอิญ ก็ เม็จ มด เจ็นนัน แป ก็ มี กำกึด เลาะ ตัดซิน แคระ กัน มี ครำ ตัก คริซจัก แป แอง ไอ มี เลาะ กัน จับ อัห จุ แป เค็ย นัง ออ เป็น ตัวแทน เยซู แต ไอ มี กิว เป็น นัน แป ก็ ไอ มี เซย อุ แป ไอ มี ปลอย ระ อัห แอง ลุห อุ ติกๆ แป ลอง ดอม อัห แป ก็ เม็จจึด อัห กิว เป็น ซีวะ นังเลาะ เลือง เน เอิญ ก็ เม็จ มด แลว
ทาเน เอิญ ก็ เม็จ ปึง มา เคิบ ปึง ทฮาน ตี ต็อก มา นัน เอิญ เม็จ ปึง ทฮาน นัน เลอะ มี โกบ เกาะ นเดิด งก็อห ออ มด โกบ เกาะ นัน ก็ โซ งัง แด ซี นำเงิน นเซ็ม นแด็ก แด ซี เลียง ก็ เลียง มอก มาด แด กึ มา ปึง นะ อังกัด กึ ซิงโต เจ็นนัน ก็ มี โอด มี นเทาะ มี มาด ทอก โตะ เจ็น งกาบ เย็ห ดก นเทาะ ทอก โตะ เจ็น งกาบ เย็ห ซีเละ
Sanasan