เยซู โตะ 2:3 - Prai Bible3 เอิญ ก็ เม็จ แป ซอดแซ็ง อด เอิด กัน มี ครำ คมเฮง แป ญอน แป เจือ เอิญ แป ก็ ซอดแซ็ง อด เอิด แป ไอ มี นาย แอ็ม ใจ เตาะ จู มบลึ ตี แป แอง นัน เอิญ ก็ เม็จ มด แลว Faic an caibideil |
เยซู โตะ 2:3
49 Iomraidhean Croise
ทาเน ซา ตี คลิห ตัก ซิก เลาะ นัน ก็ ซีแล็ม เค็ย ครำ ตี กุญ ปัง แญง เอาซาง แลว อัห ก็ เคาใจ เลาะ อัห กิว แก็นใจ เจือ ซีเละ อัห ก็ มี ใจ เลาะ ใจ ซือ มี ปันฮา อัห ก็ ซอดแซ็ง อด เอิด อัห ก็ ลด เป็น ปะโยด อน ตัก เอาซาง ดก ซีเละ ครำ มอก เน อัห ก็ เป็น มอก ซา คลิห ตัก ซิก เลาะ ดก กุญ ซา นัน” เยซู ซวัล อัห ฮุนนัน
เจ็นนัน อิห ก็ อวด งาน ตี เอาซาง ระ อิห แอง ฮัก อิห ไอ มี อวด งาน คอง อัหซอ ตี เอาซาง ไอ มี ไล อิห ฮับพิดซอบ นัน อิห จ็อก เลือง งาน ตี เอาซาง อน ตัก อิห ฮัก แต อิห เจือ เค็ย แป เฮง แก็นใจ เจือ เอาซาง ดก เล็ห ติกๆ ดาย เจ็นนัน อิห ก็ เจือ เค็ย อิห กุญ แองกาน เคิบ ปึง แป เฮง ดก ติกๆ วัล แต อิห แองกาน ตี เอาซาง อน ตัก อิห ฮัก อิห ไอ มี แองกาน ตี เอาซาง ไอ มี ไล อิห แอง นัน เตาะ
ก็ ฮุนเน ดาย แป ไล แญง เอาซาง อน ตัก อัห ระ อัห เม็จ ระ อัห กุญ ซีวิด เจ็น เอาซาง กัน แป แอง คือนัน ซีเละ เอิญ ก็ เลาะใจ ญาม โตะ เยซู คริด ตัก โลก เน บัดนะ เอิญ เลาะใจ เลาะคอ ตี งาน คอง เอิญ เกิด พน ใน ปึง แป เอิญ ก็ ไอ มี เซีย เวลา ตี เอิญ วาง ไล แญง เอาซาง อน ตัก แป กำนา นัน นอ มัดทิว 5:16
ซุซุเก เฮย เอิญ ครอ ระ มัห จวย อัหเม เปียะ ล็อง เน ระ ปาม เลาะ อัง นอย ดาย เพาะวา ปาม ก็ เป็น เปือน เอิญ ปาม เกย จวย ไล คาว เลาะ เลิม เคิบ เอิญ แลว ปาม เคิบ เคเม็น เคิบ เปือน ตี เกย แองกาน เลิม เคิบ นอย นัน อัห ก็ เป็น เปือน เอิญ มด ดาย อัห ก็ มี ซือ อุ ใน ซะมุด ตี เอาซาง จด ระ อน แลว เป็น ซือ ครำ ตี รีด อุ จำ นเดย จำ กวา นัน เอิญ ก็ ลด ครอ ระ ปาม เปาะ นอย อุ เลาะๆ ดาย
แอ เม็จ ครำ เครม ดก ล็อง แก็นใจ เจือ เอาซาง อัห ลด เป็น พญาน เลาะ อน ตัก แอ นอ แอ มี พญาน ดก แกวด แอ อุ มอก นัน แลว เจ็นนัน ก็ ครอ ระ แอ แอง มอก อัห ครอ ระ แอ เอิด ใจ ซิห เอาซาง ครอ ระ แอ แอง มอก นักกีลา ญาม นักกีลา อัห เล็ง อัห ไอ มี ปึห ซะ จึห เล็ง เจ็นนัน ก็ ครอ ระ แอ ไอ มี ปึห ซะ จึห เมือนนอย มี ซีวะ ตี จึห พาลือ มี ซีวะ ตี เกิ๊ด รวง แอ มี ซีวะ ตี ลุห ก็ ครอ ระ แอ พระ แอ็ม มด ครอ ระ แอ เล็ง เริล วาล มัด ติกๆ เริล ตาม รวง ตี เอาซาง กำนด ระ อน นัน
Sanasan