เยซู โตะ 2:14 - Prai Bible14 แต เอิญ ต็อง โป แป เปียะ แพะ เลือง เน ดาย เอิญ เม็จ ครำ ใน ปึง แป แกด ล็อง อัห แอง ไอ มี เลาะ อัห ก็ แอง มอก เอา มอ บาลาอำ ตัก อิง นัน ตัก อิง เอา มอ บาลาอำ เน นำ โตะ ไล อน จาง ตัก พะเจายูฮัว บาลาก นำ ไล พะเจายูฮัว บาลาก เน โตะ ซุย ครำ อิซราเอล ระ ครำ อิซราเอล แอง ลุห บาลาก เน นำ ซุย ระ ครำ อิซราเอล ป็อง ซะ ตี อัห ทวาย อน ตัก ฮูบ ตัก พะ วัล นำ ซุย ระ ครำ อิซราเอล ปิล จู ปิล วะ ระ อัห แอง ซะ เจอะ ซะ เพอะ มานะ เน แป ก็ ระ ครำ ไอ มี เลาะ มอก เอา มอ บาลาอำ อุ ใน คริซจัก แป วัล อุ ตี แลง 22:5-7, 31:16 Faic an caibideil |
เยซู โตะ 2:14
30 Iomraidhean Croise
แต เลือง ครำ กรอก ซอ ตี ไอ แมน ครำ ยิว ตี เจือ เยซู แลว นัน อิห ก็ เคียน จดมาย ไล อัห แลว เค็ย ไอ มี จำเป็น ทือ กด โมเซด มด เตาะ แต อิห ไล อัห ซี มบลึ อำ ป็อง เซ็จ ตี อัห มเบิล เลียง ฮูบ อำ ป็อง เมียม อำ ป็อง ซัด ตี อัห มพล็อง ต็อล อำ ปิล จู อิห ไล อัห เตานะ ไอ มี อิห เพิม แญง ซอ เตาะ” ยากอบ เคิบ ปึง อัหแกะ ตี ซับรวง คริซจัก ไล เปาโล คือนะ ตัวแทน 15:29
เลือง เน ก็ มอก แญง เอาซาง มี ตี นัน ไล อน คือเน “นำ ก็ เป็น มอก เกียง ตี แอง ระ อัห นทุด แอง ระ อัห มพึง ลัง มด” แญง เอาซาง อัง ครำ ตี ไอ มี ปัง แญง นำ อัห ต็อง นทุด อัห ต็อง มพึง ลัง แลว ซีเละ ตี อัห นทุด ตี อัห มพึง ลัง นัน ก็ ญอน อัห ไอ มี เจือ ปัง แญง เอาซาง นัน เลือง เน ก็ กิว เกิด เล็ห มอก เอาซาง เพีย ตัดซิน อน แลว ซีเละ
ปึง ตี แอง ไอ มี เลาะ เน อัห ต็อง แร็ง เซียใจ ซีเละ บัดนะ อัห ต็อง เซียใจ ก็ ญอน อัห แอง แบบ คาอิน ตี มเบิล แอ็ม ควน ออ นัน อัห ก็ แอง ตาม ใจ ออ มอก บาลาอำ ตี นำ แอง ลุห เพือ กุญ เงิน นัน ครำ ตี แอง ไอ มี เลาะ เน อัห ก็ แอง มอก โครา ตัก ซะไม โมเซด นัน ปึง โครา เน อัห ตอตาน โมเซด เคิบ เอาซาง อัห ก็ ต็อง เปิล แอ็ม ครำ ตี แอง มอก โครา อัห ก็ ต็อง เปิล แอ็ม มอก โครา นัน ซีเละ
แต เอิญ ก็ มี เลือง ต็อง โป แป แด เอิญ โป แป ตี แป จบ ปัง แญง อีเยเซเบว ตี ซอน พิด นัน ตี เค็ย นัง ออ เป็น ลาม เอาซาง นัน อีซะนัน นำ แอง ระ ลูกนอง คอง เอิญ เลอ รวง นำ ระ อัห ปัง แญง ออ นำ ระ อัห แอง ลุห ระ อัห ปิล จู ระ อัห ป็อง ซะ ตี อัห ทวาย อน ตัก ฮูบ ตัก พะ วัล แป ก็ จบ ปัง แญง นำ
แต ซำรับ ครำ ตี เม็จ แญง เอิญ แลว แต อัห ควะ นเจิก ไอ มี ฮาน เจือ เอิญ อัห ก็ กุญ อุ ตี งกุก โอด ครำ ตี ไอ มี เจือ เคิบ ครำ ตี แอง ไอ มี เลาะ ครำ ตี มเบิล อัห ครำ ตี ปิล จู ครำ ตี เอิด อัหคล็อง เคิบ อัหคล็อง เอิด อัหเม เคิบ อัหเม ครำ ตี มี ครู มี คาทา ครำ ตี ไว ฮูบ ไว พะ ครำ คีอู คีลม ครำ ปึง เน อัห กุญ อุ ตัก งกุก โอด ตัก มี มาด มี โอด ลน อุ วืลๆ นัน อัห อุ ตัก งกุก โอด นัน ก็ เป็น อัห เปิล เปียะ ลบ ตึง เน” นำ อัง
Sanasan