เยซู โตะ 19:11 - Prai Bible11 เจ็นนัน วัล เอิญ ก็ เม็จ ซะวัน พลาง อุ เอิญ ก็ เม็จ มา พัห มี นัง นะ ญ็อง อุ นัน มี ครำ มี ล็อง ต็อก มา พัห นะ อุ ซือ นำ ตัก “ครำ เลาะ ครำ ซือ ตี เจือ ใจ กุญ” นำ ตัดซิน อัห ญาม นเดย นำ ก็ ตัดซิน แคระ ตลอด นำ ไอ มี โกง อัห เตาะ นำ ต็อง ดอม เลาะๆ วาล กัน นำ เม็จ อัห กิว พิด ซีเละ ซัง นำ กอย เริล ฮบ อัห นำ ไอ มี จบ ฮบ ครำ เลาะ เตาะ Faic an caibideil |
เยซู โตะ 19:11
28 Iomraidhean Croise
เจ็นนัน ก็ ครอ ระ เยซู คริด จวย ระ แป อุ เลาะ อุ ซุก วัล นำ จ็อก เลาะ จ็อก ซือ เลือง เอาซาง นำ จ็อก แคระ ตลอด นำ เป็น ล็อง แรก ตี เปิล ลบ วัล รีด เล็ห วัล บัดนะ นำ ก็ เป็น พะเจายูฮัว แกะ ทีซุด ใน โลก เน นำ ก็ ปกคอง พะเจายูฮัว จู ล็อง ทัว โลก วัล ครอ ระ เยซู เน แอง เลาะๆ ซิห แป ระ แป อุ เลาะ อุ ซุก ดาย ครอ ลือ เยซู คริด ดาย นำ รัก แอ นำ เซีย เมียม ออ แก ลุห แอ ระ แอ เน ปน แอ็ม เจ็น ลุห
เจ็นนัน เอิญ ก็ เม็จ วิฮาน เอาซาง ตัก วาง ทึห ปะตู วิฮาน นัน ก็ พลาง ซิห ฮีบ ตัก มี แญง ซันญา คอง เอาซาง ตัก อุ ควังใน วิฮาน นัน เอิญ ก็ เม็จ มด เจ็นนัน ก็ พุก ทาง พาแม็บ พารัล ตัก โลก เน แร็ง งกราด แร็ง งกริม แร็ง โกระ เคิร ซีเละ ซิก ก็ นโจ็ห แร็ง ซีเละ แร็ง ดก คลิห แพล ตัก ซิก นเซ็บ วัล
นำ ก็ ไล เอิญ คือเน วัล “จดมาย เน มัห ต็อง เคียน อน ตัก ลาม ตี ฮับพิดซอบ คริซจัก เลาดีเซีย ดาย ระ นำ นท็อล ไล อน ตัก คริซจัก ตอ วัล มัห เคียน ไล อัห คือเน ดาย จดมาย เน เล็ห เจ็น เอิญ เอิญ เป็น ล็อง นัน ตัก จ็อก เลาะ จ็อก ซือ มด จู มบลึ นัน ตัก เป็น พญาน เลาะ พญาน ซือซัด นัน เอิญ เป็น ล็อง ตี แอง โลก แพนซิก เน ซะ จู มบลึ ตี เอาซาง แอง ตัก โลก แพนซิก เน เอิญ ก็ แอง เลิม นัน เป็น เอิญ เนๆ ไล แป นะ
นำ ก็ ไล เอิญ คือเน วัล “จดมาย เน มัห ต็อง เคียน อน ตัก ลาม ตี ฮับพิดซอบ คริซจัก ฟีลาเดลเฟีย ดาย ระ นำ นท็อล ไล อน ตัก คริซจัก ตอ วัล มัห เคียน ไล อัห คือเน ดาย จดมาย เน เล็ห เจ็น เอิญ เอิญ เป็น ล็อง นัน ตัก ซักซิด ซือซัด ซีเละ ตัก ไอ มี ตี ติ ตี คอล นัน เอิญ ก็ ก็อง กุนแจ พะเจายูฮัว ดาวิด นัน กัน เอิญ พลาง ปะตู แลว ก็ ไอ มี อีเอ จางรู เติล เตาะ กัน เอิญ เติล ปะตู แลว ก็ ไอ มี อีเอ จางรู พลาง เตาะ เป็น เอิญ เนๆ ไล แป นะ
เจ็นนัน วัล เอิญ ก็ เม็จ ปะตู อุ ตัก ซะวัน ทึห ปะตู นัน อี พลาง อุ เอิญ ก็ เม็จ นเซิง นะ เป็น นเซิง ล็อง เครม ตี จ็อก มอก นเซิง แตร นัน ตี จ็อก ไล เคา เอิญ มี ลบ แลว นัน นำ ก็ ไล เอิญ คือเน “มัห ก็อห โตะ ทึห เน ดาย มัห โตะ ทึห เน เอิญ ระ มัห เม็จ ซะ ตี เกิด เล็ห วาล มัด บัดนะ นโดน” นำ อัง
Sanasan