เยซู โตะ 18:2 - Prai Bible2 เทวาดา ล็อง นะ ก็ งกรอ ไล แร็งๆ คือเน “ญุบ แอ็ม แลว บาบิโลน ตัก เป็น เมือง จ็อง ทีซุด นัน ญุบ แอ็ม แลว นจุง เครม เมือง นัน เป็น เล็ห ตี อุ คอง ปรอง แลว เป็น เล็ห ตี อุ คอง เซ็ม เจอะ เป็น ตี อุ คอง ซัด ราย จู มบลึ แลว ซะ ไอ มี เลาะ จู มบลึ มี อุ ตัก นะ มด Faic an caibideil |
ปน แอ็ม เทวาดา ล็อง นัน แลว เอิญ ก็ เม็จ เทวาดา มี ล็อง วัล นำ พาล เริล พาล วัล ตัก วาง นทึห นัน นำ จ็อก คือเน “ญุบ แอ็ม แลว ญุบ แอ็ม แลว เมือง บาบิโลน ตัก เป็น เมือง จ็อง นัน ญุบ แอ็ม แลว ซีเละ เมือง บาบิโลน นัน ญุบ ก็ เพาะวา อัห ซับรวง ครำ มด จูกรอกๆ ระ อัห พระ แอ็ม เอาซาง จุ ระ อัห ทือ ซะ ซอ วัล ครำ บาบิโลน แร็ง ดุ ซับรวง ครำ ทัว โลก แอง ลุห กัน มเบิด ก็ มอก ครำ บาบิโลน ตึก ปุจ ครำ ทัว โลก ระ แว นัน อัห พระ แอ็ม เอาซาง มอก อัหเม พระ คล็อง ออ ลบ ปิล จู วัล อัห บา แอง ลุห แลว อัห ก็ ลบ ซับรวง ครำ จู กรอก บา มอก ออ วัล” เทวาดา ล็อง นะ อัง
ญาม แพนซิก แร็ง นโจ็ห นัน จูเมืองๆ ทัว โลก ก็ เลอะ เกลิน แอ็ม มด เมือง บาบิโลน ก็ ซำ ฮาย เมือง บาบิโลน แตก ซิก เป็น แพะ ตี แพะ ตี นัน แยก นอย อุ มี เคด มี ตี เอาซาง แร็ง อ็อด อัง ครำ เมือง บาบิโลน นัน ซีเละ นำ ตอบติก อัห นำ ลงโทด อัห มด นำ ไอ มี เลอ ลงโทด ซิห เมือง บาบิโลน เมือง จ็อง นัน เตาะ
ตัก นดัห อัหเม ล็อง นะ ก็ มี แญง ตี มี ความมาย ตี อัหซอ ไอ มี เม็จจึด เตาะ อัห เคียน ซิห ตัก นดัห นำ อัห เคียน ซิห คือเน “เอิญ เป็น บาบิโลน เมือง จ็อง เมือง ซำคัน เอิญ เป็น เม็ย จ็อง เม็ย นเทิก ตี ซับรวง อัห ปิล จู ตี ซับรวง อัห แอง ไอ มี เลาะ เอิญ เป็น เกา ตี ซับรวง ครำ จู ล็อง จู นัง แอง ลุห มด ทัว แพนซิก แพนแท” อัห เคียน ติด ระ ตัก นดัห นำ จังนะ
ทาเน ก็ มี เทวาดา มี ล็อง วัล นำ มี แร็ง มี อำนาด ดก ซีเละ นำ ก็ เอิด เกียง มี และ นะ จ็อง และ มอก เกียง อัห โม แปง เน นำ ก็ กวาง ซิห ตัก นอก ทะเล นำ ก็ จ็อก แร็งๆ คือเน “เมือง บาบิโลน ตัก เป็น เมือง จ็อง เฮย เอาซาง ก็ กวาง แอ็ม มัห มอก เอิญ กวาง เกียง และ เน ตัก นอก ทะเล ดาย ไอ มี ซีเอ เม็จ มัด มัห วัล เตาะ