เยซู โตะ 18:15 - Prai Bible15 ปึง ปอกา แมกา ตี ฮัง ญอน เมือง นัน อัห ก็ ญ็อง ดอม อุ เยอะ ซะ อัห แร็ง นเจิก ซีเละ อัห ตุกใจ เซียใจ อัห เซียดาย อัง เมือง นัน ซีเละ อัห ก็ เญ็ม จ็อง Faic an caibideil |
เยซู โตะ 18:15
14 Iomraidhean Croise
ซะ ตี เมือง บาบิโลน ม็อด ทน ตัก ปอกา แมกา นัน ก็ มี ดก มบลึ มี เงิน มี ทองคำ มี เพ็ด พลอย มี ไคมุก มี คัว พา ลินนิน พา ไม พา ซี มวง พา ซี โซ มี ลำ ซียุม จู มบลึ ตี บาบิโลน ทน ตัก อัห นัน เจ็นนัน ก็ มี คอง ไจ ดก มบลึ ตี ปึง ปอกา แมกา ซับ เท็จ ตัก เมือง นัน ซะ ตี อัห เอิด งา ซาง แอง ก็ มี ซะ ตี อัห เอิด ลำ แปงๆ แอง ก็ มี อัห เอิด ตอง แดง ตอง เลือง อัห เอิด เล็ก แอง ก็ มี อัห เอิด เกียง ปูน แอง ก็ มี มด จู มบลึ เน ครำ บาบิโลน เกย ทน ตัก อัห มด
เจ็นนัน เมือง บาบิโลน ก็ เกย ทน ยา ซียุม ดก มบลึ วัล มี อบเซย มดยอบ กำยาน มี ดก มบลึ วัล อัห เกย ทน ปุจ องุน นำมัน แพะ ค็อก แปง ซาลี งัว แปะ แกะ มา ลา ลด มา อัห ก็ ทน มด อัห ก็ เกย ทน ครำ วัล อัห เกย ทน ตึง ครำ ระ เป็น ทาด ออ ปึง ปอกา แมกา ทัว โลก ตี เกย เท็จ ซะ ทน ซะ ตัก เมือง บาบิโลน นัน อัห ก็ แร็ง เซียดาย อัง เมือง นัน ซีเละ อัห แร็ง เซียใจ ตี เมือง บาบิโลน นัน ญุบ แอ็ม
ทาเน ปึง อัห ก็ นดอบ เอิด พุน ซัห ซิห ตัก กึ ออ อัห ก็ เญ็ม ซีนืล จ็อก คือเน “ฮีเอิห เมือง จ็อง นัน ญุบ แอ็ม แลว ปอกา แมกา ตัก โละ ทน ซะ เท็จ ซะ ตาม นอก ตาม ทะเล ตัก ต็อก เฮือ เริล กา ทัว โลก นัน อัห ก็ ฮัง ญอน เมือง นัน ฮัก แต มานะ เน ญุบ แอ็ม แลว มี ญาม เดียว ก็ ญุบ แอ็ม มด” อัห อังเอเซเคียน 27:30-34
เมือง บาบิโลน นัน ญุบ แอ็ม ก็ ญอน อัห ซับรวง ครำ ทัว โลก แอง ไอ มี เลาะ นัน ครำ จู กรอก จู เมือง ก็ นเจ็น เอิด จาง ตัก เมือง นัน อัห นเจ็น เอิด ซะ เจอะ ซะ ไอ เลาะ จู มบลึ ตัก เมือง นัน ครำ ตัก เมือง นัน อัห ไล อน จาง ซะ ไอ เลาะ ตัก ปึง พะเจายูฮัว วัล มอก อัห ตึก ปุจ อัห ระ แว แอ็ม นัน มอก อัห ปิล จู เลิม นันอิซยา 23:17 ปึง ปอกา แมกา อัห ฮัง ญอน อัห แอง ไอ เลาะ เลิม เคิบ เมือง นัน อัห ฮัง ก็ ญอน อัห โลบ อัห อืม เมือง บาบิโลน นัน ญุบ แอ็ม ก็ ญอน อัห แอง ไอ มี เลาะ นัน” เทวาดา ไล จังนะ
Sanasan