เยซู โตะ 17:9 - Prai Bible9 เลือง อัหเม ตี ต็อก ซัด ราย เน มัห ต็อง ไจ ปันญา ซัง มัห เคาใจ กุญ ต็อง ที กึด ที ปัง เลาะๆ ซัง เคาใจ ดาย กึ ซัด ราย เจ็ด และ นัน ก็ ซีแล็ม เปียะ มบลึ ดาย กึ เจ็ด และ นัน ก็ ซีแล็ม เค็ย ญวัง เจ็ด ญวัง ตัก เจ็ด ญวัง นะ ก็ มี มี เมือง อุ ตัก นะ อัหเม ล็อง นัน ก็ ปกคอง อุ ตัก เมือง นะ Faic an caibideil |
เยซู โตะ 17:9
10 Iomraidhean Croise
“ซะไม นัน บัดนะ แป ก็ ต็อง เม็จ ซะ ราย ซะ เพอะ ตัง อุ ตัก ฮ็อง วิเซด ตัก วิฮาน เอาซาง นัน เป็น ซะ ตี ซียุด อัง นัน ดาเนียน ตัก เป็น ลาม เอาซาง ตัก อิง นัน นำ ก็ เพีย ไล อน เค็ย ต็อง มี ซะ ราย นัน ตัง อุ ตัก ฮ็อง วิเซด ตัก วิฮาน เอาซาง นัน กัน แป เม็จ ซะ ราย นัน ตัง อุ ตัก วิฮาน มอก ดาเนียน ไล นัน แป ตี อุ จังวัด ยูเดีย ต็อง เล็ง ปัด เริล ซะร็อห ทึห ดาย” เยซู อัง (ซำรับ ครำ ตี อาน เลือง ซะ ราย เน แลว ครอ ระ แป เคาใจ เลาะๆ ดาย) ดาเนียน 9:27, 11:31, 12:11
เจ็นนัน วัล เอิญ ก็ เม็จ ซัด ราย ทอก โตะ เจ็น นอก ทะเล มี นัง วัล ซัด ราย นัง นะ นัง เย็ห อังกัด ซีแพ็ว เจ็ง เย็ห อังกัด เจ็ง เปียก งกาบ เย็ห อังกัด งกาบ โปก มี กึ เจ็ด และ มี จัง ซิบ จัง ตึง ซิบ จัง นัน ก็ เลอะ มี มงกุด ซุก อุ มี อัน มี จัง ตัก กึ เย็ห เจ็ด และ นัน ก็ เลอะ มี ซือ เคียน ติด อุ มด ตึง เจ็ด และ ซือ ตี อัห เคียน ซิห ตัก กึ เย็ห นัน ก็ เป็น แญง โป ดูทูก เอาซาง มด ทาเน พญานาก ตี ญ็อง อุ ตัก เปล นอก ทะเล นัน ก็ มอบ แร็ง มอบ อำนาด ออ อน ตัก ซัด ราย นัง นัน ระ เย็ห มี อำนาด แตน ออ วัล ดาเนียน 7:3-6
เจ็นนะ วัล ซีมาล เอาซาง ก็ จำใจ เอิญ วัล จำใจ เอิญ แลว เทวาดา ล็อง นะ ก็ ซับรวง เอิญ เริล ตัก ตี แลง มี ตี นะ เล็ห ตัก ตี แลง นัน แลว เอิญ ก็ เม็จ อัหเม มี ล็อง นะ นำ ต็อก อุ ตัก เคา ซัด ราย มี นัง ซัด ราย นัง นะ โซ นัง ปึล มี กึ เจ็ด และ มี จัง ซิบ จัง ตัก นัง คอง เย็ห ก็ มี แญง โป ดูทูก เอาซาง เคียน ติด อุ ปุด ปิ นัง มด เยซู โตะ 12:1
ทาเน เทวาดา ล็อง ตี อุ เลิม เคิบ เอิญ นัน นำ ก็ ไล เอิญ คือเน “มัห งึด อัง อัหเม ล็อง นัน อังวะ เลือง อัหเม ล็อง นัน เคิบ ซัด ราย นัง นัน เอิญ ไล อน ตัก มัห ก็ กุญ ดาย อัหเม ล็อง นัน เคิบ ซัด ราย ตัก มี กึ เจ็ด และ มี จัง ซิบ จัง ตี อัหเม ต็อก อุ นัน ซีแล็ม เค็ย ซีวะ เอาซาง ไอ มี ตัน ไล อน ตัก มัห แต มานะ เน เอิญ ก็ ไล อน ตัก มัห กุญ ดาย
Sanasan