เยซู โตะ 11:19 - Prai Bible19 เจ็นนัน เอิญ ก็ เม็จ วิฮาน เอาซาง ตัก วาง ทึห ปะตู วิฮาน นัน ก็ พลาง ซิห ฮีบ ตัก มี แญง ซันญา คอง เอาซาง ตัก อุ ควังใน วิฮาน นัน เอิญ ก็ เม็จ มด เจ็นนัน ก็ พุก ทาง พาแม็บ พารัล ตัก โลก เน แร็ง งกราด แร็ง งกริม แร็ง โกระ เคิร ซีเละ ซิก ก็ นโจ็ห แร็ง ซีเละ แร็ง ดก คลิห แพล ตัก ซิก นเซ็บ วัล Faic an caibideil |
เยซู โตะ 11:19
33 Iomraidhean Croise
เจ็นนัน วัล เทวาดา ล็อง ที เจ็ด นัน ก็ พุง แตร ออ แลว เทวาดา ล็อง ที เจ็ด พุง ออ แลว ก็ มี แญง อัห งกรอ อุ ตัก ซะวัน ทึห มอก แญง ครำ ดก ล็อง งกรอ อุ เลิม นัน แร็ง นเซิง ซีเละ อัห งกรอ คือเน “โลก แพนซิก เน ก็ เป็น เล็ห คอง งกีจ็อง คอง แอ แลว เป็น คอง เมซียา คอง นำ แลว เจ็นเน นโดน นำ ก็ ปกคอง อุ ตลอด จำ นเดย จำ กวา” แญง นัน อัง
เจ็นนัน วัล เอิญ ก็ เม็จ ซะวัน พลาง อุ เอิญ ก็ เม็จ มา พัห มี นัง นะ ญ็อง อุ นัน มี ครำ มี ล็อง ต็อก มา พัห นะ อุ ซือ นำ ตัก “ครำ เลาะ ครำ ซือ ตี เจือ ใจ กุญ” นำ ตัดซิน อัห ญาม นเดย นำ ก็ ตัดซิน แคระ ตลอด นำ ไอ มี โกง อัห เตาะ นำ ต็อง ดอม เลาะๆ วาล กัน นำ เม็จ อัห กิว พิด ซีเละ ซัง นำ กอย เริล ฮบ อัห นำ ไอ มี จบ ฮบ ครำ เลาะ เตาะ
เจ็นนัน วัล เอิญ ก็ เม็จ ปะตู อุ ตัก ซะวัน ทึห ปะตู นัน อี พลาง อุ เอิญ ก็ เม็จ นเซิง นะ เป็น นเซิง ล็อง เครม ตี จ็อก มอก นเซิง แตร นัน ตี จ็อก ไล เคา เอิญ มี ลบ แลว นัน นำ ก็ ไล เอิญ คือเน “มัห ก็อห โตะ ทึห เน ดาย มัห โตะ ทึห เน เอิญ ระ มัห เม็จ ซะ ตี เกิด เล็ห วาล มัด บัดนะ นโดน” นำ อัง
Sanasan