เยซู โตะ 10:5 - Prai Bible5 เจ็นนัน วัล เทวาดา ล็อง นัน ตัก โตก ทะเล โตก ซิก นัน นำ ก็ ญ็อก ที เพียห เลาะ ตัก วาง ทึห Faic an caibideil |
เยซู โตะ 10:5
29 Iomraidhean Croise
“ฮี เอิห แป แอง ซีวะ จังเน เต็ห ดอม กา เยอะ ก็ เป็น ครำ ทำมาดา มอก แป เน ดุห เยอะ ไอ แมน เทวาดา ซัง เยอะ โตะ ตัก เน ก็ เยอะ โตะ ไล คาว เลาะ อน ตัก แป ฮัก ระ แป พระ แอ็ม ซะ ตี ไอ มี คิ เน แป ทือ เอาซาง ตี รีด อุ ตลอด นัน ซัง เลาะ นำ แอง วาง แอง ซิก แอง นอก เคิบ ซะ จู มบลึ ตัก มี อุ ใน โลก แพนซิก เน มด
เอาซาง ระ อัห ดอม ซะ ตัก นำ แอง ใน โลก เน อัห ก็ เม็จจึด เค็ย ต็อง มี งกี แอง อัห ก็ ลด เคาใจ เค็ย เอาซาง กิว มี นังเลาะ เจ็น ตัก อิง ตัก นา เอาซาง แอง วาง แอง ซิก แอง จู มบลึ นัน อีเอๆ ก็ เม็จ มด ไอ มี เม็จ นำ เคิบ มัด ก็ ตึก แต อัห เม็จ ซะ จู มบลึ จู มบลัก ตัก เอาซาง แอง อน นัน อัห ก็ ลด เคาใจ เค็ย นำ กิว มี แร็ง มี อำนาด จำ นเดย จำ กวา ทาเน กัน อัห ไอ มี เจือ เค็ย เอาซาง มี แร็ง ดก มอก นัน บัดนะ กัน เล็ห งิ อัห เม็จ มัด เอาซาง อัห มแบล เค็ย ไอ มี เม็จจึด เค็ย มี เอาซาง ก็ ไอ มี กุญ เตาะ
เลือง แอ แก็นใจ เจือ เอาซาง นัน ครอ ระ แอ กึด เลือง เอาซาง ซันญา เคิบ อับราฮัม ตัก อิง นัน ดาย ตัก อิง เอาซาง ไล อับราฮัม จังเน “อับราฮัม เฮย บัดนะ เอิญ แอง เลาะ เคิบ มัห ดาย” เอาซาง อัง เอาซาง ก็ ลบ ไล อับราฮัม จังเน วัล “อับราฮัม ตี เอิญ ไล มัห เน เอิญ ซาบาน เค็ย เอิญ กิว แอง เลาะ เคิบ มัห ดาย” เอาซาง อัง ทาเน ญาม เอาซาง ซาบาน นัน นำ ไอ มี ครอ ระ ซีวะ รับรอง แญง ออ เตาะ เอาซาง รับรอง แญง ออ ฮัก เพาะวา เอาซาง แกะ ทีซุด แลว ไอ มี ซีเอ แกะ กวา นำ เตาะ แอ แก็นใจ เจือ นำ กุญ ซีเละ ดาย
พูนำ ซาวซี ล็อง นัน อัห ก็ ลือ งกีจ็อง คือเน “เอาซาง งกีจ็อง คอง อิห เฮย มัห แอง ซะ จู มบลึ ใน โลก เน มัห ก็ แอง ตาม ใจ ออ ฮัก มัห แอง จู มบลึ ระ เป็น เล็ห มอก มัห กึด ออ ฮัก จู มบลึ ก็ เป็น เล็ห มอก มัห ไล อน ฮัก มัห มี แร็ง ดก ซีเละ อิห อน เกียด ตัก มัห อิห ลือ ซือ มัห ก็ ซมควน แลว” พูนำ ซาวซี ล็อง นัน ลือ งกีจ็อง จังนะ
Sanasan