ยอน ก็ ไล อัห ฮุนเน วัล “กำนา เอิญ ไอ มี เม็จจึด เค็ย ล็อง เน เป็น เมซียา แต เอาซาง ตี ไล เอิญ โตะ จุบ แป ตัก นอก เน นำ ก็ เพีย ไล เอิญ แลว คือเน ‘บัดนะ มัห ก็ เม็จ ซีมาล เอาซาง จูล โตะ อุ ตัก อัหคล็อง มี ล็อง ล็อง ตี ซีมาล เอาซาง จูล โตะ อุ นัน นำ เป็น เมซียา’ กำนา เอาซาง ไล เอิญ จังนะ แลว นอ เอาซาง ก็ ไล เอิญ คือเน วัล ล็อง ตี เป็น เมซียา นัน นำ ก็ อน ซีมาล เอาซาง ตัก แป ระ ซีมาล เอาซาง อุ ใน นัง แป ฮัก เอาซาง ไล เอิญ จังนะ ทาเน งิ นาน ญาม เอิญ จุบ แป ตัก นอก นัน เอิญ ก็ เม็จ ซีมาล เอาซาง จูล โตะ เจ็น วาง ทึห โตะ อุ เคิบ ล็อง เน แลว ดอม ฮุน เซ็ม งกรุก พาล โตะ เจบ นำ ก็ กิว เป็น มอก เอาซาง ไล เอิญ ซีเละ
เยซู โตะ 1:2 - Prai Bible2 เอาซาง ระ เอิญ เม็จ เลือง เน แลว เอิญ ก็ ไล อน ตัก ลูกนอง เยซู มด แญง เอาซาง จู แญง ตี เยซู คริด ไล อน เคิบ ซะ จู มบลึ ตี นำ ระ เอิญ เม็จ เคิบ มัด ออ นัน เอิญ ก็ ไล อน มด Faic an caibideil |
เยซู โตะ 1:2
22 Iomraidhean Croise
ทาเน ก็ ดก ครำ โตะ และ เยซู ตัก รวง นัน ตี ดก โตะ ครำ ก็ ญอน อัห เม็จ คาว เยซู จวย ลาซารัด งิ นาน ก็ ฮุนเน ดาย ญาม เยซู จวย ลาซารัด รีด เล็ห นัน ก็ มี ดก ล็อง อุ เคิบ เยซู ญาม นัน ปึง นัน ตี เม็จ เยซู จวย ลาซารัด เคิบ มัด ออ นัน อัห ก็ เริล ไล คาว เยซู นัน ตัก เมือง เยรูซาเล็ม ครำ เยรูซาเล็ม เม็จ คาว แลว อัห ก็ โตะ และ เยซู ทึดๆ
จดมาย เน อิห เคียน อน ตัก แป อิห ซีรอก ไล เลือง ล็อง นะ อน ตัก แป เป็น เลือง ตี แอง ระ แอ รีด นัน ล็อง นะ นำ อุ วาล ไอ ตัน มี โลก แพนซิก เน ล็อง นะ อิห เม็จ นำ เคิบ มัด เคิบ มุห ออ อิห กุญ ปัง แญง นำ เคิบ นโทล ออ ฮัก อิห กุญ ที ดอม นำ เลาะๆ แลว อิห ก็ กุญ คอบ อ็อญ นำ เคิบ ที อิห ฮัก เป็น ล็อง นะๆ ตี แอง ระ แอ รีด นัน
เจ็นนัน นเซิง นะ ก็ ไล เอิญ คือเน “มัห ต็อง เคียน ซะ จู มบลึ ตี มัห เม็จ เน มัห เคียน ระ ตัก นังซือ ดาย เจ็นนัน มัห ก็ อน นังซือ นัน ตัก คริซจัก เจ็ด ตี มัห อน ตัก คริซจัก เมือง เอเฟซัด เมือง ซะเมอนา เมือง เปอกามำ เมือง ทิยาทิรา เมือง ซาดิด เมือง ฟีลาเดลเฟีย เคิบ เมือง เลาดีเซีย ดาย” นเซิง นะ อัง
เจ็นนัน วัล เอิญ ก็ เม็จ ตี คุด ครึๆ ดก ตี มี ครำ ดก ล็อง คุด อุ ตัก นัน เอาซาง ก็ มอบ อำนาด อน อัห ระ อัห เป็น ครำ ตัดซิน ทาเน เอิญ ก็ เม็จ ซีมาล ครำ มี ปึง นะ เป็น ซีมาล ครำ ตี อัห โค็ห แอ็ม งคอ แลว มี ครำ โค็ห งคอ อัห ญอน อัห ไล เลือง เยซู ญอน อัห ไล แญง เอาซาง ตัก อัหซอ นัน ปึง เน อัห ไอ มี ทือ ฮูบ ซัด ราย ไอ มี กุญ มาย นดัห มาย ที ออ เป็น ครำ คอง ซัด ราย เตาะ ปึง เนๆ อัห ก็ รีด เล็ห วัล อัห ก็ ปกคอง เลิม เคิบ เยซู คริด นัน มี ปัน วาง
เจ็นนัน เอิญ ก็ เม็จ ควัน แกะ นัน อีด ตรา อัน ที ฮา วัล ท็อบ นำ อีด ตรา อัน ที ฮา นะ เอิญ ก็ เม็จ ซีมาล ครำ ดก ซีเละ ซีมาล ครำ ปึง นัน อุ ทิง ตี ทวาย ซะ ไล เซ็บ นัน ซีมาล ปึง นะ เป็น ซีมาล ครำ ตี เปิล ญอน อัห ไล แญง เอาซาง อน อัห อัห เปิล ญอน อัห ไล แญง เอาซาง ซือ นเดย ซือ นัน ซีมาล ครำ ปึง นะ ก็ อุ ทิง ตี ทวาย ซะ นัน
Sanasan