อุ ตี แลง 20:8 - Prai Bible8 “ปา เอิด งเกราะ ตัก อุ ลัห มัด ฮีบ ซันญา นัน เจ็นนัน มัห เคิบ อาโรน ต็อง ไล ปึง อัห โตะ พซุม นอย มัห ก็ ต็อง จ็อก เคิบ เกียง งุก โตน นัน เคิบ มัด ปึง อัห นอก ก็ ทอก โตะ เจ็น เกียง ปึง ครำ เคิบ ปึง ซัด ก็ กุญ ออก มด” นำ อัง Faic an caibideil |
อุ ตี แลง 20:8
31 Iomraidhean Croise
เยซู ก็ ลด ไล อัห ฮุนเน “เอิญ ไล แป นังเลาะ นะ กัน แป กิว เจือ เอาซาง ซีเละ กัน แป ไอ มี ซงไซ เอาซาง แป ครอ มอก เอิญ เน ก็ กุญ มด แป ไล เกา แพะ คุล มเบิล แอ็ม เย็ห ก็ มเบิล แอ็ม ซีเละ กัน แป กิว เจือ เอาซาง แป ครอ ซะ จ็อง กวา นัน ก็ กุญ มด แป ไล ญวัง เน ญาย เริล อุ ตัก นอก ทะเล ญวัง เน ก็ ต็อง ปัง แป มด
กึด เลาะๆ ดาย แป เป็น ครำ ลุห ครำ บาบ อุ แลว แป ก็ ญัง เม็จจึด อน ซะ เลาะ ตัก ควัน ออ นอ ทาเน เอา แอ ตัก วาง ทึห นำ ก็ เฮง เลาะ กวา แอ วัล นำ ก็ ซำ รัก แอ กวา นัน วัล นำ อน ซะ เลาะๆ ตัก ควัน ออ กวา นัน วัล นำ ก็ ซำ อน ซีมาล เลาะ คอง ออ ตัก ครำ จู ล็อง ตี ครอ ตัก นำ แอ ซอดแซ็ง ครอ วอน นำ ก็ เลาะ” เยซู อัง
ทาเน ซีมาล เอาซาง เคิบ ครำ จู ล็อง ตี เป็น เจาซาว คอง ควัน แกะ นัน อัห ก็ มพอล จู ล็อง โตะ และ เยซู อัห ก็ งกรอ ไล จู ล็อง คือเน “โตะ แต็ห เนอ” อัห อัง เจ็นนัน กัน ซีเอ เม็จ แญง ตี ซีมาล เอาซาง เคิบ เจาซาว นัน มพอล ออ แลว ก็ ครอ ระ อัห นท็อล มพอล อัหซอ ตอ วัล ต็อง มพอล อัห คือเน “โตะ แต็ห เนอ โตะ ออก ตัก นอก เน ดาย กัน ซีเอ โซะ ออก ก็ โตะ ออก ตัก นอก ตี แอง ระ แอ รีด เน เนอ โตะ ออก ลือๆ ไอ มี เอิด ญิม ซีวะ เตาะ” ต็อง ไล อัห จังเน
Sanasan